༢
དེའི་ཕྱིར་ང་ཚོས་གང་ཐོས་པ་དེ་ལས་མི་འཁྱར་བའི་ཆེད་དུ་བསམ་པར་རིགས་སོ། ༢ ཕོ་ཉས་བསྒྲགས་པའི་ཕྲིན་ནི་བདེན་ཚིག་ཡིན་ཏེ། འགལ་བ་དང་བཀའ་ལ་མི་ཉན་པ་ཐམས་ཅད་ལ་འོས་པའི་ལན་ཐོབ་རྒྱུ་ཡིན་ན། ༣ འདི་ལྟ་བུའི་ཐར་པ་ཆེན་པོར་ཕྱི་བཤོལ་འདེབས་ན་ང་ཚོ་ཇི་ལྟར་ཐར། ཐར་པ་དང་པོར་གཙོ་བོས་གསུངས། དེ་ནས་ཁོང་ལས་ཐོས་པ་རྣམས་ཀྱིས་ང་ཚོ་ལ་བསྟན་ནས་གཏན་ལ་ཕབས། ༤ དེ་ནས་དཀོན་མཆོག་གིས་ཀྱང་རྟགས་དང་ངོ་མཚར་དང་ལྟས་སྣ་ཚོགས་དང་། ཐུགས་དགོངས་བཞིན་དམ་པའི་ཐུགས་ཉིད་ཀྱི་གནང་སྦྱིན་གྱི་སྒོ་ནས་དཔང་པོ་མཛད་དོ༎ཁྱེད་ཀྱིས་ཐུགས་བསམ་བཞེས་པའི་མི་ཅི་ཡིན༎
ཁྱེད་ཀྱིས་གཟིགས་པའི་མི་ཡི་བུ་ཅི་ཡིན༎
༧ རེ་ཞིག་ཕོ་ཉ་རྣམས་ལས་དམའ་བར་མཛད༎
དཔལ་དང་བཀུར་སྟིའི་ཅོད་པན་དེ་ལ་བསྐོན༎
༨ ཐམས་ཅད་དེ་ཡི་རྐང་འོག་བཅུག་པར་མཛད༎
ཞེས་དཔང་པོ་མཛད་དོ། ཐམས་ཅད་ཁོང་གི་ཞབས་འོག་ཏུ་བཅུག་པར་མཛད་ནས། ཁོང་གི་འོག་ཏུ་མ་བཅུག་པར་ཅིའང་མ་བཞག་གོ། འོན་ཀྱང་ཐམས་ཅད་ཁོང་གི་འོག་ཏུ་བཅུག་ཡོད་པ་ང་ཚོས་ད་དུང་མི་མཐོང་ངོ་། ༩ དེ་འང་དཀོན་མཆོག་གི་ཐུགས་རྗེ་ཡིས། མི་ཐམས་ཅད་ཀྱི་དོན་དུ་འཆི་བ་མྱོང་བའི་ཕྱིར། ཕོ་ཉ་ལས་རེ་ཞིག་དམའ་བར་མཛད་པའི་ཡེ་ཤུ་གྲོངས་པའི་སྡུག་བསྔལ་མྱངས་པས་དཔལ་དང་བཀུར་སྟིའི་ཅོད་པན་གསོལ་ཡོད་པར་མཇལ་ལོ༎
༡༠ ཐམས་ཅད་ཀྱི་འབྱུང་ཁུངས་དང་མཐར་ཐུག་ལགས་པ་ཁོང་གིས། བུ་མང་པོ་དཔལ་ལ་འགོད་པའི་ཕྱིར། དེ་རྣམས་ཀྱི་ཐར་པའི་ཁྲིད་དཔོན་དེ་སྡུག་བསྔལ་གྱིས་ཕུན་སུམ་ཚོགས་པར་མཛད་པའི་རིགས་སོ། ༡༡ དམ་པ་མཛད་མཁན་དང་དམ་པར་འགྱུར་བ་ཐམས་ཅད་འབྱུང་ཁུངས་གཅིག་ལས་ཡིན་པས། དེ་རྣམས་ལ་སྤུན་ཞེས་གསུང་བ་ལ་ངོ་ཚ་མི་མཛད་ཅིང་།
༡༢ ང་ཡི་སྤུན་ལ་ཁྱེད་མཚན་འཆད་པར་བྱ༎
ཆོས་ཚོགས་ནང་དུ་ཁྱེད་ལ་བསྟོད་དབྱངས་བྱ༎
ཞེས་དང་། ང་དང་ང་ལ་དཀོན་མཆོག་གིས༎
གནང་བའི་ཕྲུ་གུ་རྣམས་ལ་ལྟོས༎
ཞེས་གསུངས་སོ། ༡༤-༡༥ དེ་བས་ན་འཆི་བའི་བདག་པོ་བདུད་དེ་ནི། འཆི་བ་ཁོ་ནའི་སྒོ་ནས་ཚར་བཅད་དེ། འཆི་བའི་འཇིགས་པས་ཚེ་གང་བཅིངས་ཡོད་པ་ཐམས་ཅད་སྒྲོལ་བའི་ཕྱིར། ཤ་ཁྲག་ནང་ཕྲུ་གུ་རྣམས་གཅིག་ཡིན་པ་ལྟར། ཁོང་ཉིད་ཀྱང་དེ་རྣམས་དང་གཤིས་གཅིག་ཏུ་གྱུར་ཏོ། ༡༦ ཕོ་ཉ་རྣམས་ལ་མ་གཟིགས་པར་ཨབ་ར་ཧམ་གྱི་བུ་བརྒྱུད་ལ་གཟིགས་པར་ངེས་སོ། ༡༧ དེའི་ཕྱིར་དུ་མི་སྡེའི་སྡིག་བཤགས་ཀྱི་ཕྱིར་དུ། དཀོན་མཆོག་མཆོད་པ་ལ་སྙིང་རྗེ་ཅན་དང་། བློ་དྲང་བའི་བླ་ཆེན་འགྱུར་བའི་དོན་དུ། ཅི་ས་ནས་ཉིད་ཀྱི་སྤུན་དང་འདྲ་བར་འགྱུར་དགོས་པ་ཡིན་ནོ། ༡༨ ཁོང་ལ་སྡུག་བསྔལ་དང་ཐུགས་སད་པ་བྱུང་བས། ཉམས་སད་བྱུང་བ་རྣམས་ལའང་སྐྱབས་མཛད་ནུས་སོ༎