༡-༢ རང་གི་ཤེས་བཟང་མེས་བསྲེགས་པའི་རྫུན་ཅན་གྱི་ཚུལ་ཆོས་ཀྱི་སྒོ་ནས་ཕྱིས་སུ་ཁ་ཅིག་ལོག་འདྲེན་གྱི་ལྷ་དང་། འདྲེའི་ཆོས་ལ་རྟེན་ཞིང་དད་པ་སྤོང་བར་འགྱུར་རོ། ཞེས་ཐུགས་ཉིད་ཀྱིས་གསལ་པོར་གསུངས་སོ། ༣ དད་པ་ཅན་དང་བདེན་པ་རྟོགས་པ་རྣམས་ཀྱིས་གཏང་རག་འབུལ་ཞིང་ཟ་བའི་དོན་དུ་དཀོན་མཆོག་གིས་མཛད་པའི་ཁ་ཟས་མ་ཟ་ཟེར་བ་དང་། ཆུང་མའང་མ་ལེན་ཞེས་དེ་ཚོས་ཟེར་རོ། ༤-༥ དཀོན་མཆོག་གིས་མཛད་པ་ཐམས་ཅད་བཟང་པོ་ཡིན་ཏེ། གཏང་རག་འབུལ་ཞིང་ཟ་ན། དཀོན་མཆོག་གི་བཀའ་དང་སྨོན་ལམ་གྱིས་དམ་པར་འགྱུར་བས། ཅིའང་སྤོང་དགོས་མེད་དེ། ༦ བསླབ་བྱ་འདི་རྣམས་ཁྱོད་ཀྱིས་སྤུན་རྣམས་ལ་བསྟན་ན། དད་པའི་གསུང་གིས་སྐྱངས་པ་དང་བསྟན་པ་བཟང་པོར་རྟེན་པའི་མཱ་ཤི་ཀ་ཡེ་ཤུའི་ཞབས་ཏོག་པ་བཟང་པོ་ཞིག་ཏུ་འགྱུར་བར་འགྱུར་རོ། ༧ ཆོས་མིན་གྱི་སྒྲུང་དང་རྒན་པོའི་འཆོལ་གཏམ་སྤོངས་ཤིག ཆོས་བཞིན་སྤྱོད་པར་སྦྱོང་ཞིག ༨ ལུས་རྩལ་སྦྱོང་བ་ཕན་ཐོགས་ཅུང་ཟད་ཡོད་ཀྱང་། ཆོས་བཞིན་སྤྱོད་པ་ནི། ཚེ་འདི་ཕྱི་གཉིས་ཀྱི་ཕྱིར་ཞལ་བཞེས་དང་ལྡན་པས། ཅི་ས་ནས་ཕན་ཐོགས་ཆེའོ། ༩ ཞེས་པའི་གཏམ་བདེན་ཞིང་ཡིད་ཆེས་འོས་པའོ། ༡༠ མི་ཐམས་ཅད་དང་ཁྱད་པར་དུ་དད་པ་ཅན་རྣམས་ཀྱི་སྐྱབས་མགོན་ལགས་པའི་འཚོ་ཞིང་གཞེས་པའི་དཀོན་མཆོག་ལ་ང་ཚོས་རེ་བ་བྱེད་པས། འབད་པས་བརྩོན་ནོ༎