དོ་དམ་པའི་ལས་འདོད་ན། ལས་ལེགས་པ་ཞིག་འདོད་དོ་ཞེས་པའི་གཏམ་བདེན་ནོ། ༢ དེའི་ཕྱིར་དོ་དམ་པ་ནི་སྐྱོན་གྱིས་མ་གོས་པ། ཆུང་མ་གཅིག་གི་ཁྱོ་ཡིན་པ། བག་དང་ལྡན་པ། མཁས་པ། རྔམ་བརྗིད་དང་ལྡན་པ། མགྲོན་པོར་བྱམས་པ། སློབ་དཔོན་བྱེད་ནུས་པ། ༣ ཆང་འཐུང་མཁན་མིན་པ། མི་རྩུབ་ཅིང་ཞི་བ། འཐབ་མོ་མི་བྱེད་མཁན། དངུལ་ལ་མི་ཆགས་མཁན། ༤ རང་ཕྲུག་རྣམས་ཅི་ས་ནས་ཁ་ལ་ཉན་པོ་དང་ཡ་རབས་ཀྱི་ཚུལ་དང་ལྡན་པ་སློབ་ཅིང་རང་གི་ཁྱིམ་ཚང་ལེགས་པར་སྐྱོང་མཁན་ཡོད་དགོས་སོ། ༥ རང་གི་ཁྱིམ་ཚང་སྐྱོང་མ་ཤེས་ན། དཀོན་མཆོག་གི་ཆོས་ཚོགས་ཅི་ལྟར་སྐྱོང་། ༦ རང་མཐོང་གིས་ཐོམས་ནས་བདུད་ཀྱི་ཆད་པའི་ནང་མི་ལྟུང་ཕྱིར། སློབ་གསར་ཡིན་པར་མི་རིགས་པ་མ་ཟད། ༧ ཕྱི་རོལ་པ་རྣམས་ཀྱི་ནང་དུའང་དེ་ལ་གཏམ་བཟང་ཡོད་པར་དགོས། དེ་མིན་ཟེར་རྒྱུ་དང་བདུད་ཀྱི་རྙིའི་ནང་དུ་འཚུད་ཉེན་ཡོད།

ཞེས་པའི་ཆོས་ཀྱི་གསང་བ་དེ་ཤིན་ཏུ་ཟབ་མོ་ཡིན་པར་གདོན་མི་ཟའོ༎