༨ གནས་ཐམས་ཅད་དུ་སྐྱེས་པ་རྣམས་ཀྱིས་ཁྲོ་བ་དང་འཐབ་འཛིང་མེད་པར། ལག་པ་གཙང་མ་ཡར་བཏེགས་ཏེ་སྨོན་ལམ་འདེབས་པར་ང་འདོད་དོ། ༩ བུད་མེད་རྣམས་ཀྱིས་སྐྲ་བརྒྱན་པ་དང་། གསེར་དང་། མུ་ཏིག་དང་། རིན་ཆེ་བའི་གོས་ཀྱི་ཚབ་ལ། སྤམ་པ་དང་། མཁས་པ་དང་། མཛེས་པའི་གོས་གཡོགས་ཤིང་། ༡༠ ཆོས་དང་ལྡན་པའི་བུད་མེད་ལ་མཛེས་པའི་ལས་བཟང་གིས་བརྒྱན་པར་བྱོས་ཤིག ༡༡ བུད་མེད་ནི་ཁ་རོག་ཅིང་ཁ་ལ་རབ་ཏུ་ཉན་ཏེ་སློབ་དགོས། ༡༢ བུད་མེད་ཀྱིས་ཆོས་སྟོན་པའམ། སྐྱེས་པ་རྣམས་ཀྱི་ཐོག་ཏུ་འགོ་བྱེད་པའི་དགོངས་པ་ངས་མི་གཏོང་སྟེ་ཁ་རོག་ཏུ་སྡོད་དགོས། ༡༣ ཅིའི་ཕྱིར་ཞེ་ན། དང་པོར་ཨ་དམ་དང་དེ་ནས་ཧ་ཝཱ་བཟོ་བར་མཛད་པ་ཡིན། ༡༤ བདུད་ཀྱིས་ཨ་དམ་བསླུས་པར་མ་གྱུར་བར་བུད་མེད་དེ་བསླུས་པར་གྱུར་ཏེ་སྡིག་པའི་ནང་ལྟུང་བ་ཡིན། ༡༥ འོན་ཀྱང་དེ་རྣམས་དད་པ་དང་། བྱམས་པ་དང་། དམ་པ་དང་། སྤམ་པ་ལ་གནས་ན། བུ་སྐྱེད་པའི་སྒོ་ནས་དེ་ཐར་བར་འགྱུར་རོ༎