མཐར་ཐུག་ཏུ་སྤུན་རྣམས། དཀོན་མཆོག་དགྱེས་པའི་སྤྱོད་ལམ་ཇི་ལྟར་བྱེད་དགོས་པ་ང་ཚོས་བསླབས་པ་བཞིན་དུ་ཁྱེད་ཚོས་བྱེད་ཅིང་། ད་དུང་ལྷག་པར་བྱོས་ཤིག་ཅེས་གཙོ་བོ་ཡེ་ཤུའི་ཕྱོགས་ནས་ཞུ་ཞིང་གདམ་མོ། ༢ གཙོ་བོ་ཡེ་ཤུའི་ཕྱོགས་ནས་ང་ཚོས་ཁྱེད་ཚོར་བཏང་བའི་བསླབ་བྱ་ཁྱེད་ཀྱིས་ཤེས་སོ། ༣ ཁྱེད་ཚོས་འདོད་ཆགས་སྤངས་ཏེ་དམ་པར་འགྱུར་བ་དཀོན་མཆོག་གི་ཐུགས་དགོངས་ཡིན་པས། ༤ རང་གི་ལུས་དམ་པ་དང་བཀུར་སྟི་དང་ལྡན་པར་འཇོག་མི་ཤེས་ཤིང་། ༥ དཀོན་མཆོག་མི་ཤེས་པའི་ལྷ་ཆོས་པ་དང་འདྲ་བར་ཁྱེད་ཚོས་འདོད་ཆགས་ནང་དུ་འཇོག་པ་མི་རིགས་སོ། ༦ ང་ཚོས་ཁྱེད་ཚོར་སྔོན་དུ་བརྡ་སྐུལ་བྱས་པ་བཞིན་དུ། གཙོ་བོ་ནི་ལས་དེ་ཐམས་ཅད་ཀྱི་གནོད་ལན་ལེན་མཁན་ཡིན་པས། སུས་ཀྱང་དེ་ལས་མི་འགལ་ཞིང་། སྤུན་ལ་ལོག་པར་མ་བྱེད་ཅིག ༧ དཀོན་མཆོག་གིས་ང་ཚོ་མི་གཙང་བར་འགྱུར་དུ་མ་བོས་ཀྱིས། དམ་པར་འགྱུར་དུ་བོས་པར་མཛད་དོ། ༨ དེའི་ཕྱིར་དེ་ལ་བརྙས་པ་དེས་མི་ལ་མི་བརྙས་ཀྱི། ཁྱེད་ལ་དམ་པའི་ཐུགས་ཉིད་གནང་བའི་དཀོན་མཆོག་ལ་བརྙས་སོ༎