དུས་དང་སྐབས་དེའི་སྐོར་ལ་སྤུན་ཁྱེད་རྣམས་ལ་འབྲི་དགོས་མི་འདུག ༢ མཚན་མོར་རྐུན་མ་འོང་བ་ལྟར་གཙོ་བོའི་ཉིན་མོ་འོང་བ་ནི་ཁྱེད་ཚོས་ལེགས་པར་ཤེས་སོ། ༣ མི་རྣམས་ཀྱིས་དུས་བདེ་ཞི་འཇམ་ཡོད་དོ་ཟེར་བའི་དུས་སུ། སྦྲུམ་མ་བཙའ་མཁན་མར་སྐྱེ་གཟེར་གྱིས་འཐེབ་པ་ལྟར་འཇིགས་པ་གློ་བུར་དུ་འོང་ནས་དེ་རྣམས་ལ་ཐར་ས་མེད་དོ། ༤ ཁྱེད་སྤུན་རྣམས་མུན་པའི་ནང་ན་མེད་པས། ཉིན་མོ་དེས་རྐུན་མ་ལྟར་འཛིན་མི་ཡོང་། ༥ ཁྱེད་ཚོ་འོད་དང་ཉིན་མོའི་སྲས་ཡིན། ང་ཚོ་ནི་མཚན་དང་མུན་པའི་མ་ཡིན། ༦ གཞན་རྣམས་དང་འདྲ་བར་གཉིད་མ་ལོག་པར་གཅང་བྱས་ཏེ། རན་པར་གནས་ཤིག ༧ གཉིད་ལོག་པ་ཚོ་ནི་མཚན་ལ་ལོག་སྟེ། ར་བཟི་བ་ཚོ་ནི་མཚན་ལ་བཟིའོ། ༨ ང་ཚོ་ཉིན་མོའི་ཡིན་པ་རྣམས་ཀྱིས་ར་མ་བཟི་བར་དད་པ་དང་བྱམས་པའི་ཁྲབ་དང་། ཐར་པའི་རེ་བའི་རྨོག་གོན་དགོས། ༩-༡༠ དཀོན་མཆོག་གིས་ང་ཚོ་ལ་ཐུགས་ཁྲོ་བ་ཕོག་པའི་དོན་དུ་མ་བསྐོས་ཀྱིས། ང་ཚོ་གསོན་རུང་ཤི་རུང་ཉིད་དང་ལྷན་ཅིག་ཏུ་གནས་པའི་ཕྱིར་དུ་གྲོངས་པའི་ང་ཚོའི་གཙོ་བོ་ཡེ་ཤུ་མཱ་ཤི་ཀའི་ཐབས་ཀྱིས་ཐར་པ་ཐོབ་པའི་དོན་དུ་བསྐོས་སོ། ༡༡ ཁྱེད་ཀྱིས་བྱེད་པ་བཞིན་དུ་ཕན་ཚུན་སྙིང་རུས་འཇུག་ཅིང་། ཡར་སྐྱེད་དུ་ཐོང་ཞིག