༦ བཀའ་ལ་མི་ཉན་པ་རྣམས་ལ་དེ་རྣམས་ཀྱི་རྐྱེན་གྱིས་དཀོན་མཆོག་གི་ཐུགས་ཁྲོ་འཕོག་པས། སུས་ཀྱང་སྙིང་པོ་མེད་པའི་གཏམ་གྱིས་ཁྱེད་སླུ་རུ་མ་འཇུག་ཅིག ༧ དེ་བས་ན་དེ་རྣམས་དང་མ་འགྲོགས་ཤིག ༨ སྔར་ཁྱེད་མུན་པ་ཡིན་ཀྱང་། ད་གཙོ་བོའི་རྐྱེན་གྱིས་འོད་ཡིན་པས། འོད་ཀྱི་བུ་ལྟར་སྤྱོད་ཅིག ༩ བཟང་པོ་དང་དྲང་པོ་དང་བདེན་པ་ཡིན་པ་ཐམས་ཅད་ཀྱི་ནང་ན། འོད་ཀྱི་འབྲས་བུ་རྙེད་དོ། ༡༠ གཙོ་བོ་ཅི་ལ་དགྱེས་པ་འཚོལ་ཞིག ༡༡ ཕན་མེད་ཀྱི་མུན་པའི་བྱ་བའི་ནང་མ་འདྲེ་བར། དེ་རྣམས་རྗེན་པར་དངོས་སུ་སྟོན་ཞིག ༡༢ དེ་ཚོས་གསང་སྟེ་བྱེད་པའི་བྱ་བ་རྣམས་ནི་བརྗོད་པ་ལའང་ངོ་ཚའོ། ༡༣ མཐོང་ཐུབ་པ་རྣམས་འོད་ཡིན་པས། འོད་ཀྱིས་རྗེན་པར་དངོས་སུ་སྟོན་པ་ཐམས་ཅད་མཐོང་ཐུབ་བོ། ༡༤ དེའི་ཕྱིར་འདི་སྐད་དུ།

༢༢ ཆུང་མ་རྣམས། གཙོ་བོའི་འབངས་བྱེད་པ་ལྟར་ཁྱོའི་འབངས་བྱོས་ཤིག ༢༣ མཱ་ཤི་ཀ་ནི་ཉིད་ཀྱི་སྐུ་ལུས་ཡིན་པའི་ཆོས་ཚོགས་ཀྱི་དབུ་དང་སྐྱབས་མགོན་ཡིན་པ་ལྟར། ཁྱོ་ནི་ཆུང་མའི་མགོ་ཡིན་པས། ༢༤ ཆོས་ཚོགས་ནི་མཱ་ཤི་ཀའི་འབངས་ཡིན་པ་ལྟར། ཆུང་མའང་དུས་ཀུན་དུ་ཁྱོའི་འབངས་བྱེད་པར་རིགས་སོ། ༢༥ ཁྱོ་བོ་རྣམས། མཱ་ཤི་ཀས་ཆོས་ཚོགས་ཀྱི་དོན་དུ་ཉིད་ཀྱི་སྐུ་སྲོག་གནང་བ་ཙམ་གྱིས་བྱམས་པ་མཛད་པ་ལྟར། ཆུང་མ་ལ་བྱམས་པ་བྱོས་ཤིག ༢༦-༢༧ ཆོས་ཚོགས་དེ་རྨེ་བ་དང་གཉེར་མ་ལ་སོགས་པ་མེད་པར། དམ་པ་དང་སྐྱོན་མེད་ཅིང་ཟིལ་དང་བཅས་སུ་བཞེས་པའི་ཕྱིར། མཱ་ཤི་ཀའི་བཀའ་དང་ཆུའི་ཁྲུས་ཀྱིས་ཆོས་ཚོགས་གཙང་བར་མཛད་དོ། ༢༨ དེ་བཞིན་དུ་ཁྱོ་བོས་ཆུང་མ་ལ་རང་གི་ལུས་ཡིན་པ་ལྟར་བྱམས་པ་ཡིན། ༢༩-༣༠ མཱ་ཤི་ཀས་ཉིད་ཀྱི་སྐུའི་ཡན་ལག་ཡིན་པའི་ཆོས་ཚོགས་གསོ་བ་ལྟར། སུས་ཀྱང་རང་གི་ལུས་ལ་ནམ་ཡང་མ་སྡང་བར་ཟས་སྟེར་ཞིང་གསོའོ། ༣༡ སྐྱེས་པས་ཕ་མ་སྤངས་ནས། ཆུང་མ་དང་འགྲོགས་ཤིང་དེ་གཉིས་གཅིག་ཏུ་འགྱུར་འོང་། ༣༢ མཱ་ཤི་ཀ་དང་ཆོས་ཚོགས་ལ་དམིགས་ནས་འདི་ནི་གསང་བ་ཆེན་པོའོ། ༣༣ ཅི་ཡིན་ཀྱང་ཁྱེད་རེ་རེས་ཆུང་མ་ལ་རང་ལྟར་བྱམས་ཤིག ཆུང་མས་ཀྱང་ཁྱོ་ལ་གུས་པར་གྱིས་ཤིག།