སྤུན་རྣམས་ངས་སྔོན་བཤད་པའི་ཕྲིན་བཟང་ཁྱེད་ཚོར་དྲན་སྐུལ་བྱེད་དོ། དེ་ནི་ཁྱེད་ཚོས་བླངས་ཤིང་། དེ་ལ་བརྟན་པོར་ཡང་གནས་སོ། ༢ ངས་བཤད་པ་ཡིད་ལ་བཟུང་ན། དེའི་སྒོ་ནས་ཐར་ལམ་ཐོབ་བོ། དེ་མིན་ཁྱེད་ཚོས་དད་པ་བྱས་པ་དོན་མེད་དོ། ༣ ངས་ཐོས་པ་ཁྱེད་ཚོར་སྔོན་དུ་བཤད་པ་འདི་ལྟ་སྟེ། གསུང་རབ་ན་གསུངས་པ་བཞིན་ང་ཚོའི་སྡིག་པའི་ཕྱིར་མཱ་ཤི་ཀ་གྲོངས། ༤ དུར་དུ་བཅུག ཡང་གསུང་རབ་ན་གསུངས་པ་བཞིན་ཁོང་ཞག་གསུམ་པར་བཞེངས། ༥ ཀེ་ཕཱས་མཇལ། དེ་ནས་བཅུ་གཉིས་པོས་ཀྱང་མཇལ། ༦ དེ་ནས་དུས་གཅིག་ཏུ་སྤུན་ལྔ་བརྒྱ་ལས་ལྷག་པས་མཇལ། དེ་དག་ལས་ཁ་གཅིག་གྲོངས་ཀྱང་མང་པོ་ད་ལྟའི་བར་དུ་ཡོད། ༧ དེ་ནས་ཡ་ཀོབ། དེའི་རྗེས་སུ་སྐུ་ཚབ་ཐམས་ཅད་ཀྱིས་མཇལ། ༨ མཇུག་ཤོས་སུ་དུས་མིན་སྐྱེས་པ་ལྟ་བུ་ངས་ཀྱང་མཇལ། ༩ ང་སྐུ་ཚབ་ཐམས་ཅད་ལས་དམན་པ་དེ་ཡིན། དཀོན་མཆོག་གི་ཆོས་ཚོགས་ལ་ངས་གཙེས་པས། ང་སྐུ་ཚབ་ཀྱི་མིང་འཛིན་པར་མི་འོས། ༡༠ ང་ཇི་ཡིན་པ་དཀོན་མཆོག་གི་ཐུགས་རྗེས་ཡིན། ཁོང་གིས་ང་ལ་མཛད་པའི་ཐུགས་རྗེ་མ་སྟོངས་སོ། གཞན་ཀུན་ལས་ངས་ལྷག་པར་དཀའ་ལས་རྒྱབ་པ་ཡིན། ང་རང་གིས་མ་བྱས་ཀྱི། ང་དང་འགྲོགས་པའི་དཀོན་མཆོག་གི་ཐུགས་རྗེས་མཛད་དོ། ༡༡ བཤད་མཁན་ང་ཡིན་རུང་སྐུ་ཚབ་དེ་དག་ཡིན་རུང་། ང་ཚོས་བཤད་པ་དེ་ཀར་ཁྱེད་ཚོས་དད་དོ༎

ཞེས་བྲིས་པ་དེ་འགྲུབ་འོང་། ༥༦ འཆི་བའི་མདུང་ནི་སྡིག་པ་དང་། སྡིག་པའི་དབང་ནི་བཀའ་ཁྲིམས་ཡིན། ༥༧ འོན་ཀྱང་གཙོ་བོ་ཡེ་ཤུ་མཱ་ཤི་ཀ་རྒྱུད་ནས་ང་ཚོར་རྒྱལ་ཁ་གནང་བའི་དཀོན་མཆོག་ལ་གཏང་རག་འབུལ་ལོ། ༥༨ སྤུན་གཅེས་པ་རྣམས། འགྱུར་མེད་བརྟན་པོར་སྡོད་ཅིག ཁྱེད་ཚོའི་ལས་གཙོ་བོའི་དྲུང་དུ་དོན་མེད་མིན་པར་ཤེས་བཞིན། རྒྱུན་དུ་གཙོ་བོའི་ལས་ནང་ལྷག་པར་བརྩོན་ཞིག།