༡༣
མི་དང་ཕོ་ཉའི་སྐད་ནང་གླེང་རུང་། བྱམས་སེམས་མེད་ན། ང་སྒྲ་སྐད་ཆེ་བའི་འཁར་རྔ་དང་། ཆིམ་ཆིམ་ཟེར་བའི་སྦུག་ཆོལ་ཡིན། ༢ ལུང་སྟོན་ནུས་ཤིང་། གསང་བ་དང་ཤེས་རབ་ཐམས་ཅད་ཤེས་ནས། རི་སྤོ་ནུས་པའི་དད་པ་ཚང་བ་ཡོད་རུང་། བྱམས་སེམས་མེད་ན། ང་གང་ཡང་མིན། ༣ དབུལ་པོར་ནོར་རྫས་ཐམས་ཅད་བགོད་ཅིང་། ངའི་ལུས་ཀྱང་གཏོང་རུང་། དེ་ལ་རློམ་ཞིང་བྱམས་སེམས་མེད་ན། གང་ཡང་མི་ཕན་ནོ། ༤ བྱམས་སེམས་ལ་བཟོད་པ་དང་སྙིང་རྗེ་ཡོད། ཕྲག་དོག་དང་རང་སྟོད་ང་རྒྱལ་མེད། ༥ བྱམས་སེམས་ཀྱིས་མི་འོས་པར་མི་སྤྱོད། རང་དོན་མི་འཚོལ། ཁྲོ་བར་མི་འགྱུར། འཁོན་དུ་མི་འཛིན། ༦ ངན་པ་ལ་མི་དགའ། བདེན་པ་ལ་དགའ་འོ། ༧ རྒྱུན་དུ་ཐེག རྒྱུན་དུ་དད། རྒྱུན་དུ་རེ། རྒྱུན་དུ་བཟོད།༨ བྱམས་སེམས་ནམ་ཡང་མི་ཡལ། ལུང་དུ་སྟོན་པ་མེད་པར་འགྱུར། སྐད་རྣམས་འདའ་བར་འགྱུར། རིག་པ་ནུབ་པར་འགྱུར། ༩ ང་ཚོས་ཟུར་ཙམ་ཤེས་ཤིང་ལུང་དུའང་སྟོན་གྱི། ༡༠ ཕུན་སུམ་ཚོགས་པ་འགྲུབ་པའི་ཚེ། མ་ཚང་བ་ཐམས་ཅད་མེད་པར་འགྱུར་རོ། ༡༡ ང་བྱིས་པ་ཡོད་དུས་སུ། བྱིས་པའི་གཏམ་དང་། བློ་གྲོས་དང་། བསམ་པ་ཡོད་པ་ཡིན། ད་ནར་སོན་ནས་བྱིས་པའི་ཚུལ་སྤངས་པ་ཡིན། ༡༢ དེ་ལྟར་ང་ཚོས་ད་ལྟ་མེ་ལོང་ནང་རབ་རིབ་མཐོང་ཡང་། དེའི་ཚེ་དངོས་སུ་མཐོང་འོང་། ད་ལྟ་ཆ་ཙམ་ཤེས་ཀྱི། དེའི་ཚེ་དཀོན་མཆོག་གིས་ང་མཁྱེན་པ་ལྟར། ངས་ཀྱང་ཡོངས་སུ་ཤེས་འོང་།
༡༣ དོན་དུ་དད་པ། རེ་བ། བྱམས་པ་གསུམ་གནས་པ་ལས། མཆོག་ནི་བྱམས་པའོ༎