དེ་བས་ན་མཱ་ཤི་ཀ་ཡེ་ཤུའི་ནང་ལ་གནས་པ་རྣམས་ལ་ད་ཆད་པ་མེད་དོ། ༢ མཱ་ཤི་ཀ་ཡེ་ཤུའི་སྒོ་ནས་ཚེ་གསར་པ་གནང་བའི་ཐུགས་ཉིད་ཀྱི་དབང་གིས། ང་སྡིག་པ་དང་འཆི་བའི་དབང་ལས་བསྒྲལ་ཏོ། ༣ ཟག་བཅས་ཀྱི་དབང་གིས་ཉམས་པར་བྱེད་པའི་བཀའ་ཁྲིམས་ཀྱིས་སྒྲུབ་མ་ཐུབ་པ་དེ། དཀོན་མཆོག་གིས་མཛད་དོ། ༤ ང་ཚོ་འཇིག་རྟེན་པ་ལྟར་མི་སྤྱོད་པར། ཐུགས་ཉིད་ཀྱི་ལུགས་ལ་སྤྱོད་པ་རྣམས་ལ། ཉིད་ཀྱི་སྲས་སྡིག་པའི་གཤིས་དང་ལྡན་པའི་ལུས་དང་འདྲ་བར་ལུས་དང་ལྡན་པའི་ཚུལ་དུ་ང་ཚོའི་སྡིག་པའི་མཆོད་པར་མངགས་ནས། བཀའ་ཁྲིམས་ལྟར་དགོས་པ་ང་ཚོའི་ནང་སྒྲུབ་ཕྱིར། མིའི་གཤིས་ཀྱི་སྡིག་པ་ལ་ཆད་པ་བཅད་དོ། ༥ འཇིག་རྟེན་པས་འཇིག་རྟེན་གྱི་བྱ་བ་སེམས། ཐུགས་ཉིད་པས་ཐུགས་ཉིད་ཀྱི་བྱ་བ་སེམས་སོ། ༦ འཇིག་རྟེན་པའི་བསམ་པས་འཆི་བར་འདྲེན། ཐུགས་ཉིད་ཀྱི་བསམ་པས་ཚེ་མཐའ་མེད་པ་དང་ཞི་བདེར་འདྲེན་ནོ། ༧ འཇིག་རྟེན་པའི་བསམ་པས་དཀོན་མཆོག་གི་བཀའ་ཁྲིམས་ལ་མི་ཉན་ཞིང་། ཉན་ཡང་མི་བཏུབ་པས་དཀོན་མཆོག་ལ་རྒོལ་ལོ། ༨ འཇིག་རྟེན་པས་དཀོན་མཆོག་དགྱེས་སུ་འཇུག་མི་ཐུབ་བོ། ༩ ཁྱེད་ཚོའི་ནང་དཀོན་མཆོག་གི་ཐུགས་ཉིད་བཞུགས་པས། ཁྱེད་ཚོ་འཇིག་རྟེན་པ་མ་ཡིན་པར་ཐུགས་ཉིད་པ་ཡིན་ནོ། སུ་ལ་མཱ་ཤི་ཀའི་ཐུགས་ཉིད་མེད་ན་དེ་ཁོང་གི་མ་ཡིན། ༡༠ མཱ་ཤི་ཀ་ཁྱེད་ཚོའི་ནང་བཞུགས་ན། ལུས་སྡིག་པས་ཤི་བ་ཡིན་ནའང་། སེམས་ཐར་པས་གསོན་པོ་ཡིན། ༡༡ གཤིན་པོའི་ཁྲོད་ལས་ཡེ་ཤུ་སྐུ་གསོན་པོར་བསླངས་མཁན་ཁོང་གི་ཐུགས་ཉིད་ཁྱེད་ཚོའི་ནང་བཞུགས་ན། དེའི་ཐབས་ཀྱིས་བསླངས་མཁན་ཁོང་གིས་ཁྱེད་ཚོའི་ལུས་མི་རྟག་པའང་གསོན་པོར་མཛད་པར་འགྱུར་རོ༎

ཞེས་བྲིས་པ་ལྟར། ང་ཚོ་མཱ་ཤི་ཀའི་བྱམས་པ་ལས་སུས་འཕྲལ་ནུས། སྡུག་བསྔལ་ལམ། མྱ་ངན་ནམ། འཚེ་བའམ། ལྟོགས་པའམ། འཁྱགས་པའམ། འཇིགས་པའམ། རལ་གྲིས་འཕྲལ་ནུས་སམ། ༣༧ འདི་ཐམས་ཅད་ནང་ང་ཚོར་བྱམས་པར་མཛད་པོའི་མཐུས་རབ་ཏུ་རྒྱལ་ལོ། ༣༨ ཅིའི་ཕྱིར་ཞེ་ན། འཆི་བའམ། གསོན་པའམ། ཕོ་ཉའམ། མཐུ་ལྡན་ནམ། ད་ལྟར་གྱི་བྱ་བའམ། མ་འོང་པའི་བྱ་བའམ། དབང་པོའམ། ༣༩ མཐོ་བའམ། དམའ་བའམ། བཀོད་པ་གཞན་གང་གིས་ཀྱང་། ང་ཚོའི་གཙོ་བོ་མཱ་ཤི་ཀ་ཡེ་ཤུའི་ནང་ནས་མངོན་པའི་དཀོན་མཆོག་གི་བྱམས་པ་ལས་ང་ཚོ་འཕྲལ་མི་ནུས་པ་ལ་ང་སྙིང་ཐག་པ་ནས་ཡིད་ཆེས་སོ༎