༩ འོ་ན་ང་ཚོ་ཡ་ཧུ་དཱ་པ་གཞན་ལས་འཕགས་སམ། ཇི་ནས་ཀྱང་མ་འཕགས། ང་ཚོས་ཡ་ཧུ་དཱ་པ་དང་ཧེལ་ལེན་པ་ཐམས་ཅད་སྡིག་པའི་འོག་ན་ཡོད་པ་བསྟན་ནོ། ༡༠ ཇི་སྐད་མདོ་ན།

༢༡ ད་ལྟ་བཀའ་ཁྲིམས་དང་ལུང་སྟོན་པ་ཚོའི་མདོ་ཡིས་དཔང་པོ་བྱེད་པའི་བཀའ་ཁྲིམས་ལས་སོ་སོར་དཀོན་མཆོག་གི་ཐུགས་རྗེའི་ཞལ་ཆེ་དེ་མངོན་ནོ། ༢༢ ཐུགས་རྗེའི་ཞལ་ཆེ་དེ་ནི། ཡེ་ཤུ་མཱ་ཤི་ཀ་ལ་དད་པའི་སྒོ་ནས། དད་པ་བྱེད་ཚད་ལ་ཁྱད་མེད་པར་བརྙེད་དོ། ༢༣ མི་ཐམས་ཅད་ཀྱིས་སྡིག་པ་བྱས་ནས། དཀོན་མཆོག་གི་དཔལ་དང་བྲལ་ཡང་། ༢༤ ཡེ་ཤུ་མཱ་ཤི་ཀས་ཐར་པ་གནང་བའི་ཐབས་ཀྱིས། ཐར་པ་ནི་དཀོན་མཆོག་གི་ཐུགས་རྗེས་གསོལ་རས་སུ་ཐོབ་བོ། ༢༥ དད་པ་བྱེད་པ་རྣམས་ལ་དཀོན་མཆོག་གིས། ཡེ་ཤུའི་སྐུ་མཚལ་གྱི་ཐབས་ཀྱིས། ཁོང་སྡིག་སེལ་དུ་གནང་ངོ་། དཀོན་མཆོག་གིས་ཉིད་ཀྱི་ཐུགས་བཟོད་ཀྱི་ངང་ནས། ང་ཚོས་སྔར་བྱས་པའི་སྡིག་པར་མ་གཟིགས་པས། ཉིད་དྲང་པོར་ལགས་པར་སྟོན་ནོ། ༢༦ ཡེ་ཤུ་ལ་དད་མཁན་ཚོ་ཐར་འཇུག་ཅིང་། ད་ལྟའང་ཉིད་དྲང་པོ་ལགས་པར་སྟོན་ནོ། ༢༧ ད་ངོམ་རྒྱུ་ག་རེ་ཡོད། དེ་ནི་མེད་པར་སོང་། རྐྱེན་གང་གིས་མེད་པར་སོང་། ལས་ཀྱི་རྐྱེན་གྱིས་བྱས་སམ། དེ་མིན། དད་པའི་རྐྱེན་གྱིས་སོ། ༢༨ བཀའ་ཁྲིམས་ལྟར་གྱི་ལས་ཀྱིས་མ་ཡིན་པར། དད་པའི་རྐྱེན་གྱིས་ཐར་བར་འཛིན་ནོ། ༢༩ དཀོན་མཆོག་ནི་ཡ་ཧུ་དཱ་པ་འབའ་ཞིག་གི་ཡིན་ནམ། ཕྱི་པའི་ཡང་མ་ཡིན་ནམ། ཕྱི་པའི་ཡང་ཡིན་ནོ། ༣༠ དེ་ལྟར་ཡ་ཧུ་དཱ་པ་དད་པའི་རྐྱེན་གྱིས་ཐར་བར་མཛད་ཅིང་། ཕྱི་པའང་དད་པའི་རྐྱེན་གྱིས་ཐར་བར་མཛད་པའི་དཀོན་མཆོག་གཅིག་གོ། ༣༡ དེ་ནས་དད་པ་འདིས་བཀའ་ཁྲིམས་སྟོངས་པར་བྱེད་དམ། དེ་མི་སྲིད། བཀའ་ཁྲིམས་བརྟན་པར་བྱེད་དོ༎