ང་ཚོ་ཨི་ཏ་ལི་རུ་ཆུ་ཐོག་ཏུ་འགྲོ་དགོས་པར་ཐག་ཆོད་པས། དེ་ཚོས་པའུ་ལུ་དང་བཙོན་པ་གཞན་ཁ་ཅིག་ཨའུ་གུས་ཏུའི་དམག་དཔུང་གི་བརྒྱ་དཔོན་ཡུ་ལིའུ་བྱ་བའི་ལག་ལ་བཏད་དོ། ༢ ཨ་སི་ཨའི་འགྲམ་གྱི་གནས་རྣམས་སུ་འགྲོ་བའི་ཨ་དྲ་མིད་ཡུལ་ནས་འོངས་པའི་གྲུ་ལ་ཞོན་ཏེ་ང་ཚོ་སོང་བ་ཡིན། མ་ཀེ་དོན་གྱི་ཐེ་ས་ལོ་ནི་ཀེ་པ་ཨ་རིས་ཏར་ཀུ་ང་ཚོ་དང་མཉམ་ཡོད་པ་ཡིན། ༣ དེའི་ཕྱི་ཉིན་ང་ཚོ་ཚི་དོན་གྱི་འགྲམ་དུ་བསླེབས་སོ། ཡུ་ལིའུས་པའུ་ལུ་ལ་ཐུགས་རྗེས་བསྐྱངས་ནས། ཁོང་ལ་ངོ་ཤེས་ཚོས་བདག་རྐྱེན་བྱེད་ཕྱིར་དེ་ཚོ་དང་ཕྲད་པའི་དགོངས་པ་གནང་ངོ་། ༤ དེ་ནས་ཆུ་ཐོག་ཏུ་སོང་ནས་མི་མཐུན་པའི་རླུང་བྱུང་ནས་སིབ་རུས་ཀྱི་གླིང་ཕྲན་གྱི་སྐྱིབས་ནས་སོང་ངོ་། ༥ དེ་ནས་ཀི་ལིག་དང་ཕམ་ཕིལ་ཡཱའི་ཆུ་ལས་སོང་ནས། ལིག་ཡཱའི་གྲོང་ཁྱེར་མི་རཱ་རུ་ཕྱིན་པ་དང་། ༦ དེར་བརྒྱ་དཔོན་ལ་ཨི་ཏ་ལི་རུ་འགྲོ་བའི་ཨ་ལེག་སན་དྲི་ཡཱའི་གྲུ་ཞིག་ཐོབ་སྟེ། ང་ཚོ་དེ་ནང་བཅུག་གོ། ༧ ཡང་ཞག་འགའ་ཞིག་ག་ལེར་སོང་བས། ཀེ་ནེ་དུའི་ཐད་དུ་དཀའ་ལས་ཁག་པོ་དང་བཅས་བསླེབས་ནས། རླུང་གིས་མདུན་དུ་འགྲོར་མ་བཅུག་པས། སལ་མོ་ནེའི་ཐད་ཀྱི་ཀ་རེ་ཏཱ་ཡི་གླིང་ཕྲན་གྱི་སྐྱིབས་ནས་སོང་ངོ་། ༨ དེའི་འགྲམ་ནས་དཀའ་ལས་ཁག་པོས་འགྲོ་ཞིང་གྲོང་ཁྱེར་ལ་སེ་ཡཱ་དང་ཉེ་བའི་གྲུ་ཁ་མཛེས་པ་བྱ་བའི་གནས་སུ་བསླེབས་སོ༎