ཁོང་གིས་མཚོའི་འགྲམ་ལ་སླར་ཆོས་སྟོན་ཞིང་མི་ཚོགས་མང་པོ་འཛོམས་པས། ཁོང་གྲུའི་ནང་ཞུགས་ནས། མཚོའི་ཐོག་ཏུ་བཞུགས་པ་ལས། མི་ཚོགས་མཚོ་འགྲམ་དུ་སྐམ་སར་བསྡད་དོ། ༢ དཔེའི་སྒོ་ནས་གདམས་ངག་མང་པོ་སྟོན་ཞིང་། ཞལ་གདམས་མཛད་ནས་དེ་རྣམས་ལ། ༣ ཉོན་ཅིག་ཞིང་པ་ཕྱིར་ཐོན་ཏེ། ༤ ས་བོན་འདེབས་ཙ་ན། ཁ་ཅིག་ལམ་ཁར་འགྲིལ་ཏེ་བྱ་འོངས་ནས་ཟོས་སོ། ༥ ཁ་ཅིག་ས་མང་པོ་མེད་པའི་རྡོ་གསེབ་ཏུ་འགྲིལ་ཏེ། ས་དཔངས་མེད་སྟབས་ཀྱིས་སྐྱེས་ཀྱང་། ༦ ཉི་མ་ཤར་བ་དང་ཚིག་སྟེ། རྩ་བ་ཚུགས་མེད་པས་སྐམས་སོ། ༧ ཁ་ཅིག་ཚེར་གསེབ་ཏུ་འགྲིལ་ཏེ། ཚེར་མ་སྐྱེས་ནས་མནན་ཏེ། འབྲུ་མ་ཆགས་སོ། ༨ ཁ་ཅིག་ས་བཟང་པའི་ནང་དུ་འགྲིལ་ཏེ། སྐྱེས་ཏེ། ཆེར་སོང་ནས་འབྲུ་ཆགས་ཏེ། གཅིག་ལ་སུམ་ཅུ་འགྱུར། གཅིག་ལ་དྲུག་ཅུ་འགྱུར། གཅིག་ལ་བརྒྱ་འགྱུར་ཐོན་ཏོ། ༩ ཉན་པའི་རྣ་བ་ཡོད་པ་དེས་ཉོན་ཅིག་གསུངས་སོ༎