ད་ཀྱེ་བླ་མ་རྣམས། ཁྱོད་ལ་ངེས་རྒྱུའི་བཀའ་ནི། ༢ ཇི་སྟེ་ཁྱོད་ཚོས་ང་ལ་མི་ཉན་ཞིང་། ངའི་མཚན་གཟེངས་བསྟོད་པར་བྱེད་པ་རང་གི་སྙིང་ན་འཇགས་པར་མི་བྱེད་ན། དཔུང་ཆེན་གྱི་ཡ་ཧོ་ཝཱའི་བཀའ་ནི། དེ་ནས་ངས་ཁྱོད་ལ་དམོད་པ་ཕབ་སྟེ། ཁྱོད་ཀྱི་བྱིན་རླབས་རྣམས་ནི་དམོད་པར་བྱའོ། འོ་ན། ཁྱོད་ཀྱིས་དེ་ལ་བློ་མི་འཇུག་པས། ངས་དེ་དག་དམོད་པར་བྱས་ཟིན་ཏོ། ༣ ཀྱེ་ཧོ། ངས་ཁྱོད་ཀྱི་ཕྱིར་ས་བོན་ལ་སྨོན་ལོག་འདེགས་ཤིང་། ཁྱོད་རང་གི་དམར་མཆོད་ཀྱི་སློ་དེ་ཁྱོད་ཀྱི་གདོང་ལ་བརྒྱབ་པར་བྱ་བ་དང་། ཁྱོད་དེ་དང་བཅས་པ་ཕར་འཁྱེར་བར་འགྱུར། ༤ ལེ་ཝི་དང་བཅས་སུ་ངའི་ཞལ་ཆད་གནས་པའི་དོན་དུ། བཀའ་མཆིད་འདི་ངས་མངགས་པ་ཁྱོད་ཀྱིས་ངོ་འཕྲོད་པར་འགྱུར། ཞེས་དཔུང་ཆེན་གྱི་ཡ་ཧོ་ཝཱས་གསུང་ངོ་། ༥ སྲོག་དང་ཞི་བདེ་ལྡན་པའི་ངའི་ཞལ་ཆད་དེ་དང་བཅས་སུ་ཡོད་ཅིང་། ངའི་མཚན་གྱི་དྲུང་དུ་འཇིགས་པར་འགྱུར་བའི་ཕྱིར་ངས་དེ་དག་ཁོ་ལ་བཏད་ནས། དེས་ང་ལ་འཇིགས་སོ། ༦ དེའི་ཁའི་ནང་བདེན་པ་ཉིད་ཀྱི་བཀའ་རྒྱ་མཆིས་ཏེ། དེའི་ཁ་ལྤགས་ཀྱི་ནང་ན་རྫུན་མེད་པ་ཡིན། ཁོ་ང་དང་ལྷན་ཅིག་ཏུ་ཞི་བདེ་དང་དྲང་བ་ཉིད་ཀྱི་ངང་ནས་འགྲུལ་ཏེ། མང་པོ་ཡང་ངན་པའི་ལམ་ནས་བསློགས་པར་བྱས་སོ། ༧ གང་ལ་ཞེ་ན། བླ་མའི་ཁ་སྤགས་ཀྱིས་ཡེ་ཤེས་འཛིན་པའི་རིགས་སོ། དེ་ནི་ཡ་ཧོ་ཝཱའི་ཕོ་ཉ་ཡིན་པས། མི་རྣམས་ཀྱིས་དེའི་ཁ་ནས་བཀའ་རྒྱ་འཚོལ་བའི་རིགས་སོ། ༨ འོན་ཀྱང་ཁྱོད་ཅག་ལམ་ལས་གོལ་ཏེ། མི་མང་པོ་བཀའ་རྒྱའི་ནང་དུ་འགྱེལ་དུ་བཅུག་ཅིང་། ལེ་ཝིའི་ཞལ་ཆད་དེ་བཤིག་པར་བྱས་སོ། ༩ དེ་བས་ན། ཁྱོད་ཅག་ངའི་གཤེགས་ལམ་རྣམས་མ་བསྲུང་བར། བཀའ་རྒྱའི་ནང་དུ་ཕྱོགས་རིས་བྱས་པས། ངས་ཀྱང་ཁྱོད་ཅག་མི་སྡེ་འདི་ཀུན་གྱི་མདུན་ན་བརྙས་སུ་རུང་བ་དང་དམའ་བར་བྱས་སོ། ཞེས་དཔུང་ཆེན་གྱི་ཡ་ཧོ་ཝཱས་གསུང་ངོ་༎