ཆར་དུས་ཕྱི་མའི་ཆར་ཆུ་འབེབས་སུ་ཡ་ཧོ་ཝཱ་ལ་ཞུས་ཤིག ཡ་ཧོ་ཝཱས་གློག་རྣམས་མཛད་དེ། རྩྭ་རེ་རེ་ལ་དྲག་ཆར་གནང་བར་མཛད། ༢ དེ་ཅིའི་ཕྱིར་ཞེ་ན། ཐེ་ར་ཕིམ་གྱིས་འཆོལ་གཏམ་བཤད། མངོན་ཤེས་པ་རྣམས་ཀྱིས་མིག་འཁྲུལ་ཞིག་མཐོང་སྟེ། རྫུན་གྱི་རྨི་ལམ་རྣམས་བཤད་དེ། ཕན་མེད་ཀྱི་སེམས་གསོ་གཏོང་། དེ་དག་ལ་རྫི་བོ་གང་ཡང་མེད་པས། ལུག་ཁྱུ་ལྟར་ཁ་འཐོར་ཞིང་མནར་བར་གྱུར་ཏོ། ༣ རྫི་བོ་རྣམས་ལ་ངའི་ཁོང་ཁྲོ་འབར་ནས། ར་ཕོ་རྣམས་ལ་ཆད་པས་བཅད། གང་ལ་ཞེ་ན། དཔུང་ཆེན་གྱི་ཡ་ཧོ་ཝཱས་ཉིད་ཀྱི་ཁྱུ་ཡ་ཧུ་དཱའི་མི་བརྒྱུད་ལ་གཟིགས་ཏེ། དམག་སའི་ཉིད་ཀྱི་ཆིབས་བཟང་པོ་དང་འདྲ་བར་མཛད་དེ། ༤ ཁོའི་ནང་ནས་ཟུར་རྡོ་དང་། ཁོའི་ནང་ནས་ཕུར་པ་དང་། ཁོའི་ནང་ནས་དམག་གཞུ་དང་། དེ་ཁོ་ནའི་ནང་ནས་མི་དཔོན་ཐམས་ཅད་འཐོན་པར་འགྱུར། ༥ དེ་དག་གིས་དཔའ་བོ་བཞིན་འཐབ་མོའི་ནང་དུ་དགྲ་བོ་རྣམས་ལམ་སྲང་གི་འདམ་ནང་རྫི་ཞིང་། ཡ་ཧོ་ཝཱ་དེ་དག་དང་འགྲོགས་ཤིང་འཐབ་པས། རྟར་ཞོན་པ་རྣམས་ཀྱི་ངོ་འབབ་པར་འགྱུར།