རྒྱལ་པོ་དར་ཡཱས་སྲིད་བྱེད་པའི་ལོ་གཉིས་པའི་ཟླ་བ་དྲུག་པ་དང་། ཟླ་བ་དེའི་ཚེས་པ་གཅིག་ལ་ཡ་ཧོ་ཝཱའི་བཀའ་ཡ་ཧུ་དཱའི་དཔོན་པོ་ཤེ་ཨལ་ཏི་ཨེལ་གྱི་བུ་ཟེ་རུབ་བཱ་བེལ་དང་། བླ་མ་ཆེན་པོ་ཡོ་ཚ་དག་གི་བུ་ཡོ་ཤུ་ཨ་གཉིས་ལ་ཧག་གཱ་ཨི་ལུང་སྟོན་པ་རྒྱུད་དེ་བྱུང་བ་འདི་ལྟར་རོ། ༢ དཔུང་ཆེན་གྱི་ཡ་ཧོ་ཝཱའི་བཀའ་ནི། མི་འདི་དག་གིས། ད་དུང་ཡང་ཡ་ཧོ་ཝཱའི་ཕོ་བྲང་བཞེང་བར་བྱ་བའི་སྐབས་ཀྱི་དུས་ལ་མ་བབས་སོ་ཞེས་སྨྲའོ་གསུང་། ༣ ཡང་ཡ་ཧོ་ཝཱའི་བཀའ་ལུང་སྟོན་པ་ཧག་གཱ་ཨི་རྒྱུད་དེ་འབྱོན་ནས་འདི་སྐད་དུ། ༤ ཀྱེ་མ། ཁྱོད་ཅག་རང་གི་སྤང་ལེབ་ཀྱི་ཐོག་སྤུབས་པའི་ཁྱིམ་རྣམས་སུ་སྡོད་པ་དང་། ཕོ་བྲང་འདི་ཁང་གོག་ཏུ་འཇོག་པ་དེ་ཁྱོད་ཅག་རང་གི་དུས་ཡིན་ནམ། ༥ དེ་བས་ན་དཔུང་ཆེན་གྱི་ཡ་ཧོ་ཝཱས་འདི་སྐད་དུ། ད་རང་གི་སྙིང་རང་གི་ལམ་རྣམས་ལ་གཞུང་ཞིག ༦ ཁྱོད་ཅག་གིས་མང་པོ་བཏབ་ཀྱང་ཉུང་ངུ་སྡུ། ཟ་ཡང་མི་ཚིམ། འཐུང་ཡང་མི་ངོམ། གོས་གོན་ཡང་མི་དྲོས། གླ་པས་བུག་པ་ཅན་གྱི་ཁུག་མའི་ནང་དུ་གླ་སོག་ཏུ་གླ་ལ་རྒྱུག