༨ ཡང་ཡ་ཧོ་ཝཱའི་བཀའ་ཟ་ཀར་ཡཱ་ལ་བྱུང་ནས་འདི་སྐད་གསུངས། ༩ དཔུང་ཆེན་གྱི་ཡ་ཧོ་ཝཱས་འདི་སྐད་དུ། ཞལ་ཆེ་དྲང་པོར་གཅོད་ཅིང་། མི་རེ་རེས་རང་གི་སྤུན་ལ་དྲིན་དང་སྙིང་རྗེ་བྱོས་ཤིག ༡༠ ཡང་མོ་རང་མོ་དང་དྭ་ཕྲུག་དང་འགྲོན་པོ་དང་དབུལ་ཕོངས་རྣམས་ལ་ཚོད་ཆད་མ་བྱེད་པར། སུས་རང་གི་སྙིང་ན་རང་གི་སྤུན་ལ་སེམས་ངན་མ་སྐྱེད་ཅིག་བསྐུལ་ཡང་། ༡༡ དེ་དག་གིས་མི་ཉན་པ་ལས། གཉའ་རེངས་བྱས་ཏེ། མི་ཐོས་པའི་དོན་དུ་རྣ་བ་བཀག ༡༢ དེས་ཀྱང་མི་ཟད། དཔུང་ཆེན་གྱི་ཡ་ཧོ་ཝཱས་སྔ་མའི་ལུང་སྟོན་པ་རྣམས་ཀྱི་སྒོ་ནས་ཉིད་ཀྱི་ཐུགས་ཉིད་ཀྱི་ངང་ནས་མངགས་པའི་བཀའ་དང་། ཕྲིན་རྣམས་མི་ཐོས་པའི་ཕྱིར་དུ། རང་གི་སྙིང་རྡོ་རྗེ་ཕ་ལམ་ལྟར་སྲ་བར་བྱས་པའི་རྐྱེན་གྱིས། དཔུང་ཆེན་གྱི་ཡ་ཧོ་ཝཱའི་ཕྱོགས་ནས་ཐུགས་ཁྲོ་ཆེན་པོ་བབ་པ་ཡིན་ནོ། ༡༣ དེ་བས་ན། ངས་བོས་ནས་དེ་དག་གིས་མ་ཉན་པ་བཞིན་དུ། དེ་དག་གིས་བོས་ཀྱང་། ངས་མི་གསན་ནོ། དཔུང་ཆེན་གྱི་ཡ་ཧོ་ཝཱའི་བཀའ་ནི། ༡༤ དེ་ལས་ཀྱང་ངས་དེ་དག་གིས་ངོ་མི་ཤེས་པའི་མི་བརྒྱུད་ཀུན་གྱི་ཁྲོད་དུ་སྐོར་རླུང་གིས་གཏོར་ཏེ། དེ་རྣམས་ཀྱིས་རང་གི་ཡིད་དུ་འོང་བའི་ཡུལ་དེ་སྟོངས་སུ་བཅུག་ནས། དེའི་ནང་དུ་སུས་ཀྱང་འགྲོ་འོང་མ་བྱས་པ་དང་། ཁོ་རྣམས་ཀྱི་རྟིང་ནས་ཡུལ་དེ་སྟོངས་པར་གྱུར་ཏོ༎