ཡང་བདག་བསྒྱུར་ནས་རང་གི་མིག་བཏེག་ཅིང་བལྟས་པ་ལས། ཀྱེ་ཧོ། རི་གཉིས་ཀྱི་བར་ནས་ཤིང་རྟ་བཞི་འཐོན་བྱུང་སྟེ། རི་དེ་གཉིས་ནི་ར་གན་གྱི་རིའོ། ༢ ཤིང་རྟ་དང་པོར་རྟ་སྐྱང་བུ་དང་ཤིང་རྟ་གཉིས་པར་རྟ་འོལ་བ་དང་། ༣ ཤིང་རྟ་གསུམ་པར་རྟ་དཀར་པོ་དང་། ཤིང་རྟ་བཞི་པར་རྟ་ཁྲ་བོ་དང་ཐིག་ལེ་ཅན་རྣམས་འདུག་གོ། ༤ དེ་ནས་བདག་དང་གཏམ་བྱས་པའི་ཕོ་ཉ་དེ་ལ་ངས་ལན་དུ། ངའི་ཇོ་བོ། འདི་དག་ཅི་ལགས་ཞེས་ཞུས་པ་དང་། ༥ ཕོ་ཉ་དེས་བདག་ལ་ལན་དུ། འདི་ནི་ས་ཐམས་ཅད་ཀྱི་གཙོ་བོའི་ཞལ་ངོར་ཡོད་པ་ལས་ཐོན་པའི་ནམ་མཁའི་རླུང་བཞི་པོ་སྟེ། ༦ རྟ་འོལ་བ་རྣམས་ཡོད་པ་ནི་བྱང་གི་ཡུལ་དུ་འགྲོའོ། དཀར་པོ་རྣམས་དེ་དག་གི་ཕྱི་བཞིན་དང་། ཁྲ་བོ་རྣམས་ནི་ལྷོའི་ཡུལ་དང་། ༧ སྐྱང་བུ་དེ་རྣམས་ཐོན་ཏེ་ས་ཐམས་ཅད་ཕན་ཚུན་འཁོར་དུ་བསྙེགས་ཏེ། དེས་འདོང་ལ། ས་གཞིར་ཕན་ཚུན་འཁོར་ཞིག་སྨྲས་པ་དང་། དེ་དག་གིས་ས་གཞིར་ཕན་ཚུན་འཁོར་བར་བྱས་པ་དང་། ༨ དེས་བདག་ལ་བོས་ནས། གཏམ་བྱས་ཏེ་འདི་ན་རེ། བྱང་གི་ཡུལ་དུ་ཕྱིན་པ་རྣམས་ལ་ལྟོས་ཤིག དེ་དག་གིས་བྱང་གི་ཡུལ་དུ་ངའི་ཡིད་ཚིམ་པར་བྱས་སོ་ཞེས་སྨྲས་སོ༎