༦ ཧ་ཧཱ། བྱང་ཕྱོགས་ཀྱི་ཡུལ་ལས་འབྲོས་ཤིག ཡ་ཧོ་ཝཱའི་བཀའ་ནི། དེ་ཅིའི་ཕྱིར་ཞེ་ན། ངས་ཁྱོད་ནི་ནམ་མཁའི་རླུང་བཞི་བཞིན་རྒྱ་ཡན་དུ་བཏང་བ་ཡིན། ཞེས་ཡ་ཧོ་ཝཱས་གསུང་ངོ་། ༧ བཱ་བེལ་གྱི་བུ་མོ་མཉམ་སྡོད་པའི། ཀྱེ་ཙི་ཨོན། རང་སྒྲོལ་ཞིག ༨ གང་ལ་ཞེ་ན། དཔུང་ཆེན་གྱི་ཡ་ཧོ་ཝཱས་འདི་སྐད་གསུང་། དཔལ་འབྱོར་གྱི་དོན་དུ་ཁྱོད་བསྣུབས་པའི་མི་བརྒྱུད་རྣམས་ཀྱི་རྩར་ང་བཏང་བས། གང་གིས་ཁྱོད་ལ་རེག་པ་དེས་ཁོང་གི་སྤྱན་འབྲས་ལ་རེག་གོ། ༩ དེ་བས་ན་ལྟོས་ཤིག ཁོ་བོས་དེའི་ཕྱོགས་སུ་ལག་པ་ཤགས་གཏོང་ཞིང་། དེ་རྣམས་རང་གི་བྲན་པོའི་བཅོམ་ནོར་དུ་འགྱུར་བ་དང་། ཁྱོད་ཅག་གིས་ང་ནི་དཔུང་ཆེན་གྱི་ཡ་ཧོ་ཝཱས་མངགས་པ་ཡིན་ངོ་འཕྲོད་པར་འགྱུར་རོ། ༡༠ ཀྱེ་ཙི་ཨོན་གྱི་བུ་མོ། གླུ་ལེན་ཞིང་དགའ་མགུ་རངས་ཤིག དེ་ཅིའི་ཕྱིར་ཞེ་ན། ཀྱེ་ཧོ། ང་འོང་བ་དང་ཁྱོད་ཀྱི་ཁྲོད་དུ་གནས་པར་བྱ་བའི་ཕྱིར་རོ། ཞེས་ཡ་ཧོ་ཝཱས་གསུང་ངོ་། ༡༡ ཡང་ཞག་དེར་མི་བརྒྱུད་དུ་མ་ཡ་ཧོ་ཝཱ་དང་བྲེལ་ཏེ། ངའི་མི་བརྒྱུད་དུ་འགྱུར་བ་དང་། ཁོ་བོ་ཁྱོད་ཀྱི་ཁྲོད་དུ་གནས་པར་བྱའོ། དེ་ནས་ཁྱོད་ཀྱིས་ང་ནི་དཔུང་ཆེན་གྱི་ཡ་ཧོ་ཝཱས་མངགས་མཁན་ཞིག་ལགས་པ་ངོ་འཕྲོད་པར་འགྱུར་རོ། ༡༢ ཡང་ཡ་ཧོ་ཝཱས་ཡུལ་ཁམས་དམ་པའི་ནང་དུ་ཡ་ཧུ་དཱ་ནི་ཉིད་ཀྱི་སྐུ་སྐལ་དུ་བསྣམས་སྟེ། ཡེ་རུ་ཤ་ལེམ་སླར་ཡང་འདམ་པར་འགྱུར་རོ༎

༡༣ ཀྱེ་ཤ་ཐམས་ཅད། ཡ་ཧོ་ཝཱའི་ཞལ་ངོར་ཁ་རོག་སྡོད་ཅིག དེ་ཅིའི་ཕྱིར་ཞེ་ན། ཁོང་ནི་ཉིད་ཀྱི་བཞུགས་གནས་དམ་པ་ལས་བཞེངས་ཟིན་པའི་ཕྱིར་རོ༎