༥ ཁོང་གི་དཔའ་བོ་རྣམས་ཐུགས་སུ་དྲན། དེ་དག་འགྲུལ་བ་ལས་འཐོས་འཕོག་ཅིང་། རྩིག་པར་འཛེག་ཏུ་ཚ་དྲག་བྱེད་དེ། དེ་རྣམས་ཀྱིས་སྐྱོབ་ཐོག་ཤོམ་པར་བྱེད། ༦ གཙང་པོའི་སྒོ་འབྱེ་ཞིང་རྒྱལ་ཁབ་འཇིག ༧ འདི་ལྟར་ཐག་ཆད་པར་གྱུར་ཟིན་པས། མོ་གོས་མེད་བཙོན་དུ་ཕར་ཕྱོགས་འཁྲིད། ཞལ་ལྟ་མ་རྣམས་ཕུག་རོན་གྱི་སྒྲ། འདོན་ཞིང་མྱ་ངན་དང་བྲང་རྡུང་གཏོང་། ༨ སྔར་ནི་ནི་ཝེ་ཆུའི་རྫིང་དང་འདྲ། འོན་ཀྱང་དེ་རྣམས་འབྲོས་པར་བྱེད་ཅིང་། ཀེ་རེ་སྡོད་ཀེ་རེ་སྡོད་འབོད་ཀྱང་། མི་སུས་ཀྱང་ཕྱི་མིག་མི་ལྟའོ། ༩ ཁྱོད་ཀྱིས་དངུལ་དང་གསེར་རྣམས་ཕྲོག་ཅིག ཅི་ལ་ནོར་ནི་དཔག་ཏུ་མེད་པས། མཛེས་པའི་ཡོ་བྱད་ཀུན་མོད་མོད་འདུག ༡༠ མོ་ནི་སྟོང་པ་དབེན་པ་སྟོངས་འདུག སྙིང་འཇུ་ཞིང་པུས་མོ་འདར་བ་ནི། ཀློང་ཀུན་ལ་ཟུག་གཟེར་རབ་ཏུ་ཆེ། དེ་ཀུན་གྱི་གདོང་རྩི་ཡལ་ནས་འདུག

༡༡ སེང་མོའི་ཚང་དང་སེང་ཕྲུག་རྣམས་ཀྱི། ཟས་ཐོབ་པའི་ས་ཆ་ག་ན་ཡོད། དེར་སེང་གེ་སེང་མོ་སེང་ཕྲུག་རྣམས། དཀྲོག་མཁན་མེད་པར་ཕན་ཚུན་དུ་འཁོར། ༡༢ སེང་གེས་རང་ཕྲུག་ལྡང་བ་བསེད་དེ། སེང་མོའི་དོན་དུ་སྐྱེ་བསྡམས་ནས་བསད། བྲག་ཕུག་ལིངས་དང་ཚང་ཐེང་རོས་བཀང་།

༡༣ ཀྱེ་ཧོ་ངས་ཁྱོད་ལ་སྡང་ངོ་ཞེས། དཔུང་ཆེན་རྣམས་ཀྱི་ཡ་ཧོ་ཝཱས་གསུང་། དུ་བའི་ནང་ཞོན་པ་རྣམས་ངས་སྲེག སེང་དར་མ་རྣམས་རལ་གྲིས་ཟ་འོང་། ཁྱོད་ཀྱི་ལིངས་ས་ལས་མེད་པར་བྱ། སླར་ཁྱོད་ཀྱི་ཕོ་ཉའི་སྐད་མི་ཐོས༎