༦ ཡང་ནི་ནི་ཝེའི་རྒྱལ་པོར་ཕྲིན་འདི་བསླེབས་ནས། རང་གི་རྒྱལ་ཁྲི་ལས་བབས་ཏེ། ན་བཟའ་ཕུད་ནས། སྡུག་གོས་ཀྱིས་གཡོགས་ཤིང་། གོག་ཐལ་ན་བསྡད་དེ། ༧ རྒྱལ་པོ་དང་དེའི་སྐུ་དྲག་རྣམས་ཀྱི་བསྒོ་བ་བཞིན་དུ་ནི་ནི་ཝེའི་གནས་ཀུན་ཏུ་བཀར་བཏགས་ཤིང་འདི་སྐད་དུ། མིའམ། དུད་འགྲོའམ། བ་ཁྱུའམ། ལུག་ཁྱུ་གང་གིས་ཅིའང་ཁ་ལ་མ་མྱང་། མ་ཟ་ཞིག ཆུའང་མ་ཐུང་ཞིག ༨ འོན་ཀྱང་མི་དང་དུད་འགྲོ་གཉིས་པོས་སྡུག་གོས་གྱོན་ལ། དཀོན་མཆོག་གི་དྲུང་དུ་དྲག་ཏུ་ངུས་ཤིག དེས་མ་ཟད་རེ་རང་གི་ལམ་ངན་པ་དང་། རེ་རང་གི་ལག་ན་ཡོད་པའི་དབང་ཆོས་སྤོང་ཞིག ༩ སུས་ཤེས། ངེད་ཅག་སྲོག་དང་མི་འབྲལ་བའི་ཕྱིར་དཀོན་མཆོག་བསྒྱུར་ནས་ཐུགས་འགྱོད་མཛད་དེ། ཁོང་ཉིད་ཀྱི་ཐུགས་ཁྲོ་གཏུམ་པ་ལས་བསྒྱུར་ལས་ཆེ། ཞེས་འབོད་བསྒྲགས་སོ༎

༡༠ ཡང་དཀོན་མཆོག་གིས་དེ་རྣམས་རེ་རང་གི་ལམ་ངན་པ་ལས་ལོག་པའི་ལས་རྣམས་ལ་གཟིགས་པ་དང་། དཀོན་མཆོག་གིས་དེ་དག་ལ་གསུངས་པའི་བར་ཆོད་ཀྱི་ཕྱིར་ཐུགས་འགྱོད་ནས་དེ་བཞིན་དུ་མ་མཛད་དོ༎