ཀྱེ་ཨིས་ར་ཨེལ། མི་བརྒྱུད་རྣམས་དང་འདྲ་བར་དགའ་ཞིང་ཡི་མ་རངས་ཤིག དེ་ཅི་ལ་ཞེ་ན། ཁྱོད་ལོག་གཡེམ་བྱས་ནས་དཀོན་མཆོག་སྤངས། གཡུལ་འཐག་རེ་རེའི་ཁར་ཁྱོད་རྔན་པར་ཆགས་སོ། ༢ གཡུལ་འཐག་དང་འཆག་གཞོང་གིས་དེ་དག་གི་འཚོ་བ་མི་སྦྱོར་ཞིང་། རྒུན་ཆང་གསར་པ་དེར་ཆད་པར་འགྱུར། ༣ ཡ་ཧོ་ཝཱའི་ཡུལ་དུ་དེ་དག་མི་གནས་པར། ཨེབ་ར་ཨིམ་ནི་མི་སེར་དུ་ལྡོག་ཅིང་། ཨ་སུར་ན་ཟས་མི་གཙང་པ་ཟ་བར་འགྱུར། ༤ ཡ་ཧོ་ཝཱ་ལ་རྒུན་ཆང་མི་འབུལ་དེ། དེ་དག་ལ་ཁོང་ཐུགས་མཉེས་པར་ཡང་མི་འགྱུར། དེ་དག་གི་དམར་མཆོད་ནི་སྡུག་ལྷུང་བའི་བག་ལེབ་ལྟར་གྱུར་ཏེ། དེ་ལས་ཟ་བ་ཐམས་ཅད་མི་གཙང་བར་འགྱུར་རོ། གང་ལ་ཞེ་ན། དེ་དག་གི་བག་ལེབ་ནི་དེ་དག་གི་གྲོད་པའི་ཕྱིར་མ་གཏོགས་པར། ཡ་ཧོ་ཝཱའི་ཕོ་བྲང་དུ་བསྙེན་པར་མི་འགྱུར། ༥ ཁྱོད་ཚོགས་པའི་ཉིན་མོ་དང་། ཡ་ཧོ་ཝཱའི་དུས་ཆེན་གྱི་ཉིན་མོར་ཅི་བྱ། ༦ ལྟོས་ཤིག འཇིག་པའི་ནང་ནས་དེ་དག་བྲོས་ཀྱང་། མི་སེར་གྱིས་དེ་དག་བསྡུས་ནས། མོབ་ཀྱིས་དེ་དག་བསྐུང་ནས། དེའི་དངུལ་གྱི་བཟང་ནོར་རྣམས་ཟྭ་ཚོད་ཀྱིས་དབང་བར་གྱུར་ཏེ། དེའི་གུར་རྣམས་ནང་ཚེར་མ་སྐྱེ་བར་འགྱུར་རོ༎