དེས་ན་ཀྱེ་མིའི་བུ། གོག་ལ་ལུང་སྟོན་ཞིང་། འདི་སྐད་གྱིས་ཤིག ཡ་ཧོ་ཝཱ་གཙོ་བོས་འདི་སྐད་གསུང་། ལྟོས་ཤིག ཀྱེ་གོག རོས་དང་། མེ་ཤེག་དང་ཐུ་བལ་གསུམ་གྱི་ཇོ་བོ་ཁྱོད་ངས་དགྲར་འཛིན་པས། ༢ ངས་ཁྱོད་བཟློགས་ཏེ་འཁྲིད་ཁྱེར་ཏེ། བྱང་རྒྱང་རིང་པོ་ནས་བཏོན་ཏེ། ཨིས་ར་ཨེལ་གྱི་རི་རྣམས་ཀྱི་ཁར་ཁྱེར་ཏེ། ༣ ཁྱོད་ཀྱི་ལག་གཡོན་པ་ལ་རྡུང་ཞིང་། གཞུ་དེ་འགྲིལ་དུ་བཅུག་ནས་ལག་གཡས་ཀྱི་མདའ་རྣམས་འབྲུལ་དུ་གཞུག་གོ། ༤ ཨིས་ར་ཨེལ་གྱི་རི་རྣམས་ཀྱི་ཁར་ཁྱོད་དང་། ཁྱོད་ཀྱི་དམག་ཚོགས་ཡོད་དོ་ཅོག་དང་། ཁྱོད་མཉམ་ཡོད་པའི་མི་སྡེ་རྣམས་དང་བཅས་ལྕར་རེ་འགྲོ་བར་འགྱུར། དེ་ནས་ངས་ཤ་ཟ་བའི་རིགས་སྣ་ཚོགས་དང་། སའི་གཅན་གཟན་གྱི་ཁ་ཟས་སུ་ཁྱོད་སྦྱིན་པར་བྱ། ༥ ཁྱོད་ས་ཡངས་པོར་འགྱེལ་བར་འགྱུར། གང་ལ་ཞེ་ན། འདི་ནི་ངས་སྨྲས་པ་ཡིན། ཡ་ཧོ་ཝཱ་གཙོ་བོས་གསུང་ངོ་། ༦ ཡང་མ་གོག་དང་། གླིང་ཕྲན་རྣམས་ནང་རྣམ་པར་གཡེངས་ནས་ཡོད་པའི་མིའི་ནང་དུ་ངས་མེ་ཞིག་མངག་པར་བྱ། དེ་ནས་དེ་དག་གིས་ང་ནི་ཡ་ཧོ་ཝཱ་ལགས་པ་རྟོགས་པར་འགྱུར། ༧ འདི་ལྟར་ངས་ཉིད་ཀྱི་མི་སྡེ་ཨིས་ར་ཨེལ་ནང་ངའི་མཚན་དམ་པ་དེ་མངོན་པར་བྱ། དེ་ནས་ཕྱིན་དུ་དེ་དག་ལ་ངའི་མཚན་དམ་པ་དེ་བརླགས་སུ་མི་གཞུག་གོ། དེ་ནས་ཕྱི་པ་རྣམས་ཀྱིས་ང་ནི་ཡ་ཧོ་ཝཱ་ཨིས་ར་ཨེལ་གྱི་དམ་པ་ཉིད་དེ་ལགས་པ་རྟོགས་པར་འགྱུར་རོ། ༨ ཀྱེ་ཧོ། དེ་འོང་ངོ་། གྲུབ་ཡང་ཟིན། ཡ་ཧོ་ཝཱ་གཙོ་བོས་གསུང་། འདི་ནི་ངས་གང་དོན་གསུངས་པའི་ཉིན་མོ་དེ་རང་ངོ་༎