ཡང་ལོ་བཅུ་གཅིག་པའི་ཟླ་བ་གསུམ་པའི་ཚེས་དང་པོ་ལ། བདག་ལ་ཡ་ཧོ་ཝཱའི་བཀའ་བྱུང་ནས་འདི་སྐད་གསུངས། ༢ ཀྱེ་མིའི་བུ། མི་སེར་རྒྱལ་པོ་ཕར་ཨོ་དང་། དེའི་མི་ཚོགས་ལ་འདི་ལྟར་གྱིས་ཤིག ཆེ་ཁྱད་ནང་ཁྱོད་སུ་དང་འདྲ། ༣ ཀྱེ་ཧོ། ཨ་སུར་པ་ནི་ལི་བ་ནོན་གྱི་འགྱམ་ཤིང་ཞིག་སྟེ། དེའི་ཡལ་འདབ་མཛེས་ཤིང་། གྲིབ་བསིལ་ལྡན་པའི་ཡལ་ག་དང་ལྡན་ཏེ། ཤིན་ཏུ་མཐོ་ཞིང་། ཤིང་རྩེ་ནི་སྤྲིན་གསེབ་བར་དུ་ཡོད་པ་ཞིག་ལགས་ཏེ། ༤ ཆུ་རྣམས་ཀྱིས་དེ་ཆེ་བར་བྱས། དེའི་ལག་ཚུགས་ཀྱི་མཐའ་འཁོར་དུ་འབྲུབ་པའི་ཆུ་ཀླུང་རྣམས་གཏིང་ཟབ་པོས་རྒྱག་ཏུ་བཅུག་སྟེ། ཆུ་ཕྲན་རྣམས་ཐང་གི་སྐྱེ་ཤིང་ཀུན་ལ་རྒྱུག་བཅུག ༥ དེས་འབྲུབ་འཇུག་པའི་ཆུ་རྣམས་མོད་པོའི་རྐྱེན་གྱིས། ཐང་གི་ཤིང་ཀུན་ལས་དེའི་མཐོ་ཁྱད་འཕགས་ཤིང་། ཡལ་ག་མང་དུ་རྒྱས་ཏེ། ཡལ་འདབ་རྣམས་རིང་བ་སོང་། ༦ གནམ་གྱི་འདབ་ཆགས་ཐམས་ཅད་ཀྱིས་དེའི་ཡལ་འདབ་ཀྱི་གསེབ་ན་ཚང་བྱས། ཐང་གི་བྱོལ་སོང་ཐམས་ཅད་ཀྱིས་དེའི་ཡལ་གའི་ལྐོག་ཏུ་ཕྲུ་གུ་སྐྱེས། མི་བརྒྱུད་ཆེན་པོ་ཐམས་ཅད་ཀྱང་དེའི་བསིལ་གྲིབ་ཏུ་བསྡད་པ་ཡིན། ༧ དེ་ལྟར་དེའི་རྩ་བ་ཆུ་ཆེན་པོ་རྣམས་ཀྱི་འགྲམ་དུ་ཡོད་པས། རང་གི་མཐོ་ཁྱད་དང་ཡལ་འདབ་རིང་སྟབས་ཀྱིས་སྙིང་སྡུག་ཡོད་པ་ཡིན། ༨ དཀོན་མཆོག་གི་སྐྱེད་མོས་ཚལ་གྱི་འགྱམ་ཤིང་གིས་ཀྱང་དེ་སྒྲིབ་མ་ནུས་པར། ཐང་ཤིང་ཡང་དེའི་ཡལ་གའི་ཚད་དུ་མ་ཕྱིན། རྒྱ་གར་སྟར་ཀ་ཡང་དེའི་ཡལ་གའི་ཚད་དུ་མ་ཕྱིན་ཏེ། དཀོན་མཆོག་གི་སྐྱེད་ཚལ་གྱི་སྐྱེ་ཤིང་ཡང་དེ་ལྟ་བུ་སྡུག་པ་མེད་པ་ཡིན། ༩ དེའི་ཡལ་འདབ་མོད་པོའི་སྒོ་ནས་ངས་དེ་ཡིད་དུ་འོང་བར་བྱས་པས། དཀོན་མཆོག་གི་སྐྱེད་ཚལ་གྱི་ནང་ན་ཡོད་པའི་ཨེ་དེན་གྱི་སྐྱེ་ཤིང་ཡོད་དོ་ཅོག་དེ་ལ་ཚིགས་པ་ཡིན་ནོ༎