ད་ཨིས་ར་ཨེལ་གྱི་སྐུ་འདྲ་རྣམས་ཀྱི་ཕྱིར་སྡུག་གླུ་འདི་ལེན་ཞིག ༢ ཁྱོད་ཀྱི་མ་དེ་སུ་ཡིན་ཟེར་ན། སེང་མོ་སེང་ཁྲོད་དུ་ཉལ་ཡོད་པ། སེང་དར་མའི་གསེབ་སེང་ཕྲུག་རྣམས་བསྐྱངས། ༣ སེང་ཕྲུག་ནང་ནས་གཅིག་དེས་བསོས་ཏེ། སེང་དར་མ་ཞིག་ཏུ་དེ་གྱུར་ནས། ལིངས་བྱེད་པར་བསླབས་ནས་མི་རྣམས་བཟས། ༤ མི་རིགས་སོ་སོས་དེའི་ལོ་ཐོས་ནས། དེ་ཚོའི་ས་དོང་ནང་ཁོ་འཁད་པས། སྣ་ལོ་བཅུག་ནས་མི་སེར་དུ་དྲངས། ༥ སེང་མོ་བསྒུག་བསྒུགས་རེ་བ་ཟད་པས། སེང་ཕྲུག་ནང་ནས་ཡང་གཅིག་བླངས་ཏེ། སེང་དར་མ་ཞིག་ཏུ་དེ་བྱས་པས། ༦ སེང་ཁྲོད་དུ་འགྲིམ་ནས་ལིངས་ལོབས་ཏེ། དེས་ཀྱང་མི་རྣམས་ཟ་བར་བྱས་ཏེ། ༧ ཁོ་ཚོའི་ཆུང་མ་རྣམས་ངོ་ཕྲོད་དེ། དེ་ཚོའི་གྲོང་ཁྱེར་རྣམས་སྟོངས་སུ་བཅུག དེའི་ང་རོས་ཡུལ་ནང་ཡོད་པ་སྟོངས། ༨ ཡང་མི་བརྒྱུད་དུ་མ་ལྗོངས་སོ་སོའི། ཕྱོགས་ཀུན་ནས་དེའི་དགྲར་ལངས་ཏེ། རྒྱ་ཕངས་དེ་ཚོའི་དོང་ནང་འཁད། ༩ སྣ་ལོ་ཡིས་དྲ་མིག་ནང་དྲུད་དེ། བཱ་བེལ་རྒྱལ་པོའི་དྲུང་དུ་ཁྱེར་ཏེ། ཨིས་ར་ཨེལ་གྱི་རི་བོ་རྣམས་ལས། སླར་དེའི་སྒྲ་མ་ཐོས་ཕྱིར་བཀག་བཞག