དེ་ནས་བདག་གིས་བལྟས་པ་དང་། ཀྱེ་ཧོ། ཀེ་རུབ་ཚོའི་མགོའི་ལྟག་ཏུ་ཡོད་པའི་དབྱིངས་ཀྱི་ནང་ན། རྒྱལ་ཁྲིའི་བཟོའི་ནི་ལིམ་གྱི་རྡོ་ལྟ་བུ་ཞིག་ཡོད་པ་ཡིན། ༢ ཡང་དེས་རས་གོས་གསོལ་བའི་སྐྱེས་བུ་ལ་གཏམ་བྱེད་ཀྱིན། ཀེ་རུབ་ཀྱི་འོག་ན་ཡོད་པའི་འཁོར་ལོ་འཁོར་མཁན་རྣམས་ཀྱི་བར་དུ་སོང་ནས། ཀེ་རུབ་རྣམས་ཀྱི་བར་ན་ཡོད་པའི་སོལ་མེའི་ནང་ནས་ལག་པ་གཉིས་ཀྱིས་ཕྱུང་ནས། རྒྱལ་སའི་ཁར་ཐོར་ཞིག་བསྒོ་བས། དེ་ངའི་མཐོང་སར་ནང་དུ་སོང་ངོ་། ༣ དེ་ནས་སྐྱེས་བུ་དེ་ནང་དུ་སོང་བ་ཙམ་གྱིས། ཀེ་རུབ་རྣམས་ཕོ་བྲང་གི་གཡས་སུ་འགྲེང་བསྡད་པ་ལས། ཁྱམས་ནང་མ་སྤྲིན་པས་ཁྱབ་བོ། ༤ དེ་ནས་ཀེ་རུབ་ཀྱི་སྟེང་ལས་ཡ་ཧོ་ཝཱའི་དཔལ་བརྗིད་དེ་ཡར་བཞེངས་ནས། ཕོ་བྲང་གི་སྒོའི་དྲུང་དུ་བྱོན་ནས། ཕོ་བྲང་སྤྲིན་གྱིས་ཁྱབ་སྟེ། ཁྱམས་ནི་ཡ་ཧོ་ཝཱའི་དཔལ་བརྗིད་ཀྱི་གཟི་བྱིན་གྱིས་ཁྱབ་བྱུང་། ༥ ཡང་ཀུན་དབང་གི་དཀོན་མཆོག་གིས་གསུང་གླེང་དུས་ཀྱི་གསུང་སྒྲ་དང་འདྲ་བར། ཀེ་རུབ་རྣམས་ཀྱི་ཤོག་སྒྲ་ཁྱམས་ཕྱི་མའི་བར་དུ་ཐོས་པ་ཡིན། ༦ དེ་ནས་ངས་གོས་གྱོན་པའི་སྐྱེས་བུ་དེ་ལ། འཁོར་ལོ་རྣམས་ཀྱི་བར་རམ། ཀེ་རུབ་དག་གི་བར་ལས་མེ་བློངས་ཤིག ཅེས་བསྒོ་བ་ཙམ་གྱིས། དེ་ནང་དུ་སོང་ནས། འཁོར་ལོ་རྣམས་ཀྱི་གན་དུ་འགྲེང་བསྡད་པ་དང་། ༧ ཀེ་རུབ་རྣམས་ཀྱི་ནང་ནས་ཀེ་རུབ་གཅིག་གིས། ཀེ་རུབ་ཀྱི་བར་ན་ཡོད་པའི་མེའི་ཕྱོགས་སུ་ལག་པ་བརྐྱངས་ནས། མེ་བླངས་ཏེ། རས་གོས་གྱོན་པའི་སྐྱེས་བུའི་ལག་པ་གཉིས་ནང་བཞག་པས། དེས་བླངས་ནས་ཕྱི་རོལ་དུ་སོང་ངོ་། ༨ ཡང་ཀེ་རུབ་རྣམས་ཀྱི་ཤོག་པའི་འོག་ན། མིའི་ལག་པའི་བཟོ་ལྟ་བུ་ཞིག་སྣང་བྱུང་།