ཡང་བདག་ལ་ཡ་ཧོ་ཝཱའི་བཀའ་བྱུང་ཞིང་འདི་སྐད་དུ། ༢ ཀྱེ་མིའི་བུ། ཨིས་ར་ཨེལ་གྱི་རིའི་ཕྱོགས་སུ་རང་གི་གདོང་པ་སྒྱུར་ལ། དེ་དག་ལ་གནོད་པའི་ལུང་སྟོན་ཞིང་། ༣ དེ་དག་ལ། ཀྱེ་ཨིས་ར་ཨེལ་གྱི་རི་བོ་རྣམས། ཡ་ཧོ་ཝཱ་དཀོན་མཆོག་གི་གསུང་ལ་ཉོན། ཡ་ཧོ་ཝཱ་དཀོན་མཆོག་གི་རི་དང་། རི་ཕྲན་དང་། ཆུ་ཀླུང་བང་། རོང་རྣམས་ལ་འདི་སྐད་དུ། ལྟོས་སྡོད། ཁོ་བོ་ང་ཉིད་ཀྱིས་ཁྱོད་ཀྱི་ཐོག་ཏུ་རལ་གྲི་འཁྱེར་འོང་ཞིང་། ཁྱོད་ཀྱི་མཐོ་གླིང་རྣམས་མེད་པར་བྱ་སྟེ། ༤ ཁྱོད་ཀྱི་མཆོད་ཁྲི་རྣམས་སྟོངས་ཏེ། ཁྱོད་ཀྱི་ཉི་མའི་སྐུ་རྣམས་བཅག་ཏེ། ཁྱོད་ཀྱི་ནང་ནས་བཀུམ་པར་གྱུར་པའི་མི་རྣམས་ངས་ཁྱོད་ཀྱི་སྐུ་འདྲའི་མདུན་དུ་དབྱུགས་པར་བྱའོ། ༥ ཡང་ངས་ཨིས་ར་ཨེལ་གྱི་བུ་བརྒྱུད་ཀྱི་རོ་རྣམས་དེ་དག་གི་སྐུ་འདྲའི་མདུན་དུ་བཞག་ཅིང་། ཁྱོད་ཀྱི་རུས་པ་རྣམས་ཁྱོད་ཀྱི་མཆོད་ཁྲིའི་ཀྱིར་འཁོར་དུ་གཏོར་བར་བྱའོ། ༦ ཁྱོད་གནས་ས་ཐམས་ཅད་ཀྱི་གྲོང་ཁྱེར་རྣམས་སྟོངས་ཤིང་། མཐོ་གླིང་རྣམས་སྟོང་པར་འགྱུར། ཁྱོད་ཀྱི་མཆོད་ཁྲི་རྣམས་ཀྱང་སྟོངས་ཤིང་། སྟོང་པར་བྱེད་པ་དང་། ཁྱོད་ཀྱི་སྐུ་འདྲ་རྣམས་ཆག་ཅིང་། མེད་པར་འགྱུར་བ་དང་། ཁྱོད་ཀྱི་ཉི་མའི་སྐུ་རྣམས་གཅོག་ཅིང་། ཁྱོད་ཀྱི་ལག་པས་བཅོས་པ་རྣམས་མེད་པར་འགྱུར། ༧ དེ་ནས་བཀུམ་པར་གྱུར་པ་རྣམས་ཁྱོད་ཀྱི་དཀྱིལ་དུ་ལྕར་རེ་འགྱེལ་བར་འགྱུར་བ་དང་། ཁྱོད་ཀྱིས་ང་ནི་ཡ་ཧོ་ཝཱ་ལགས་པ་རྟོགས་པར་འགྱུར་རོ༎