༧ ཀྱེ་ཡ་ཧོ་ཝཱ། ཁྱེད་ཀྱིས་བདག་བསླུས་ནས། བདག་བསླུས་པར་གྱུར་ཏོ། བདག་ལས་ཁྱེད་སྟོབས་ཆེ་བས། ཁྱེད་རྒྱལ་བར་གྱུར་པ་དང་། ཉིན་རེ་བཞིན་མི་ཀུན་གྱིས་བདག་ལ་སྨད་ཅིང་འཕྱ་བར་བྱེད་དོ། ༨ དེ་ཅིའི་ཕྱིར་ཞེ་ན། ངས་གླེང་དུས་སྐད་ཆེན་པོས་བོས་ཏེ། དྲག་ཤུལ་དང་འཕྲོག་བཅོམ་ཞེས་ཀུ་སྒྲ་རྒྱབ་བོ། གང་ལ་ཞེ་ན། ཡ་ཧོ་ཝཱའི་བཀའ་ནི་ཉིན་རེ་བཞིན་བདག་ལ་སྨད་པ་དང་ཧབ་དགོད་འཕོག་པའི་རྒྱུར་གྱུར་པ་ཡིན། ༩ དེ་ནས་ངས། ཁོང་གི་གསུང་ཡང་མི་གླེང་། ད་ཕྱིན་ཆད་དུ་ཁོང་གི་མཚན་ཡང་རྗོད་པར་མི་བྱའོ་སྨྲ་ན། ཁོང་གི་བཀའ་དེ་ངའི་རུས་པའི་ནང་དུ་སྦས་ཡོད་པའི་མེ་ལྟར་ངའི་སྙིང་ནང་འབར་བས། ངས་དེ་སྲན་པ་ལས་ཡི་ཆད་དེ་བཟོད་པར་མི་ནུས་སོ། ༡༠ དེ་ཅིའི་ཕྱིར་ཞེ་ན། མང་པོ་ལས་དམའ་འབེབས་ཐོས། ཕྱོགས་བཞིར་འཇིགས་པ་འདུག དེའི་ཕྲིན་ཤོད་ཅིག དེ་ནས་ངེད་ཀྱིས་ཀྱང་ཕྲིན་དེ་འཆད་པར་བྱའོ་ཟེར་ཞིང་། ངའི་མཛའ་བོ་ཉེ་བ་ཐམས་ཅད་བདག་འགྱེལ་བ་ལ་སྒུག་ཅིང་། ཁོ་སླུ་བར་འགྱུར་ལས་ཆེ་སྟེ། དེ་ནས་ང་ཚོ་དེ་ལས་རྒྱལ་ཏེ། ལན་འཇལ་བར་བྱའོ་ཞེས་ཟེར་རོ། ༡༡ འོན་ཀྱང་ཡ་ཧོ་ཝཱ་ནི་འཇིགས་སུ་རུང་བའི་དཔའ་བོའི་ཚུལ་དུ་ང་མཉམ་མཆིས་པས། བདག་ལ་འཚེ་བ་རྣམས་ལྟུང་ཞིང་། ང་མི་ཐུབ། དེ་དག་གི་དོན་མ་གྲུབ་པའི་སྟབས་ཀྱིས་རབ་ཏུ་ངོ་ཚ་བར་གྱུར་ཏེ། དེ་དག་གི་གཏན་གྱི་ངོ་ཚ་དེ་ནམ་དུའང་བརྗེད་པར་མི་འགྱུར་རོ། ༡༢ དེའང་ཆོས་དྲང་པོའི་ཉམས་སད་ཅིང་། མཁལ་མ་དང་སྙིང་ལ་གཟིགས་མཁན་གྱི་ཀྱེ་ཡ་ཧོ་ཝཱ། ངས་རང་གི་ཁ་མཆུ་དེ་ཁྱེད་ལ་གཏད་ཡོད་པས། དེ་དག་ལས་དགྲ་རྩོད་པ་ངས་མཐོང་བར་ཤོག ༡༣ ཡ་ཧོ་ཝཱར་སྟོད་དབྱངས་གྱིས་ཤིག ཡ་ཧོ་ཝཱ་ལ་གཟེངས་སྟོད་ཅིག དེ་ཅིའི་ཕྱིར་ཞེ་ན། མི་ངན་གྱི་ལག་པ་ལས་ཁོང་གིས་དབུལ་ཕོངས་ཀྱི་སྲོག་བསྒྲལ་ཏོ༎

༡༤ ང་བཙས་པའི་ཉིན་མོ་དེ་གླུད་དུ་གྱུར་ཅིག ངའི་མས་ང་བསྐྱེད་པའི་ཉིན་མོ་དེ་བཀྲ་ཤིས་པར་མ་གྱུར་ཅིག ༡༥ ངའི་ཕ་ལ། ཁྱོད་ལ་བུ་ཕོ་ཞིག་སྐྱེས། ཞེས་འཕྲིན་བསྐྱལ་ཏེ། དེ་རབ་ཏུ་དགའ་བར་བྱས་པའི་མི་དེ་གླུད་དུ་འགྱུར་བར་ཤོག ༡༦ མི་དེ་ཡ་ཧོ་ཝཱས་རྩ་རྩེ་བཟློགས་ནས། ཐུགས་འགྱོད་མ་མཛད་པའི་གྲོང་ཁྱེར་རྣམས་དང་འདྲ་བར་གྱུར་ཤོག དེས་སྔ་དྲོར་སྐད་ངན་དང་། ཉིན་གུང་དུ་ཀི་ཀིའི་སྒྲ་སྐད་ཐོས་པར་ཤོག ༡༧ དེ་ཅིའི་ཕྱིར་ཞེ་ན། དེས་ང་མངལ་གྱི་ནང་དུ་མ་བསད་པའི་ཕྱིར་རོ། བསད་ཡོད་ན། ངའི་མ་ངའི་དུར་ཁུང་དུ་གྱུར་ཏེ། དེའི་མངལ་རྟག་ཏུ་གང་ནས་ལུས་པ་ཡིན། ༡༨ ངའི་མི་ཚེ་འདི་ངོ་ཚའི་ནང་དུ་ནུབ་ཅིང་། དཀའ་ལས་དང་། སེམས་བརྡུགས་རྒྱུར། ཅི་ལ་ང་མངལ་ནས་འཐོན་པ་ལགས༎