དེ་ནས་ཡང་ཡ་ཧོ་ཝཱའི་བཀའ་བདག་ལ་བྱུང་ནས་འདི་སྐད་གསུང་། ༢ གནས་འདིར་ཁྱོད་ལ་བུ་དང་བུ་མོ་འབྱོར་དུ་ཆུང་མ་མ་བླང་ཞིག ༣ དེ་ཅིའི་ཕྱིར་ཞེ་ན། གནས་འདིར་བཙས་པའི་བུ་དང་བུ་མོ་རྣམས་དང་། དེ་དག་བཙས་པའི་མ་རྣམས་དང་། དེ་དག་ཡུལ་འདིར་བསྐྱེད་པའི་ཕ་རྣམས་ཀྱི་ཕྱིར་ཡ་ཧོ་ཝཱས་འདི་སྐད་གསུང་། ༤ དེ་དག་དྲག་ཟུག་གིས་འཆི་བར་འགྱུར་ཏེ། སུས་ཀྱང་དེ་དག་གི་ཕྱིར་མྱ་ངན་མི་བྱ། སྐུང་བར་ཡང་མི་བྱའི། སའི་ངོས་སུ་ལྕི་བ་ལྟར་ལུས་པར་འགྱུར། རལ་གྲི་དང་མུ་གེས་དེ་དག་མེད་པར་བྱ། ཡང་དེ་དག་གི་རོ་ནི་གནམ་གྱི་བྱ་དང་། སའི་གཅན་གཟན་གྱི་ཁ་ཟས་སུ་འགྱུར་བར་འགྱུར་རོ། ༥ གང་ལ་ཞེ་ན། ཡ་ཧོ་ཝཱས་འདི་སྐད་གསུང་། སྨྲེ་སྔགས་ཀྱི་ཁྱིམ་དུའང་མ་ཞུགས་ཤིག དེ་དག་གི་ཕྱིར་མྱ་ངན་དང་། ཆོ་ངེས་བྱེད་དུ་མ་འགྲོ་ཞིག དེ་ཅིའི་ཕྱིར་ཞེ་ན། ཡ་ཧོ་ཝཱས་འདི་སྐད་དུ། ངས་མི་སྡེ་འདི་ལས་ཉིད་ཀྱི་ཞི་བདེ་མ་ཟད། བྱམས་ཐུགས་དང་ཐུགས་རྗེ་ཡང་འཐེན་ནས་འཁྱེར་པ་ཡིན་གསུང་། ༦ ཡུལ་ཁམས་འདིའི་དྲག་ཞན་གཉིས་པོ་འཆིའི། དེ་དག་སྐུང་བར་ཡང་མི་འགྱུར། དེ་དག་གི་ཕྱིར་མྱ་ངན་ཡང་བྱེད་པར་མི་འགྱུར། རང་རྨས་པར་ཡང་མི་བྱ། དེ་དག་གི་ཕྱིར་སྐྲ་ཡང་འབྲེག་པར་མི་འགྱུར། ༧ གཤིན་པོའི་ཕྱིར་སེམས་གསོ་བར་མྱ་ངན་བྱེད་པ་དག་གི་དོན་དུ་སུས་ཀྱང་བག་ལེབ་ཀྱང་མི་གཅག དེ་དག་གི་ཕའམ་མའི་དོན་དུ་འཐུང་རྒྱུ་སྙིང་རུས་འཇུག་པའི་ཕོར་པའང་སྦྱིན་པར་མི་འགྱུར། ༨ དེ་དག་དང་ལྷན་ཅིག་ཏུ་བསྡད་དེ་ཟ་བ་དང་འཐུང་བ་ལ། ཁྱོད་དེ་དག་གི་མགྲོན་བྱེད་པའི་ཁྱིམ་ནང་མ་ཞུགས་ཤིག ༩ དེ་ཅི་ལ་ཟེར་ན། དཔུང་ཆེན་རྣམས་ཀྱི་ཡ་ཧོ་ཝཱ་ཨིས་ར་ཨེལ་གྱི་དཀོན་མཆོག་གིས་འདི་སྐད་གསུང་། ལྟོས་ཤིག ཁྱོད་ཀྱི་མཐོང་ངོར་ཁྱོད་ཀྱི་དུས་སུའང་གནས་འདི་ལས་དགའ་བའི་སྐད་དང་། སེམས་སྐྱིད་པའི་སྐད་དང་། བག་པོའི་སྐད་དང་། བག་མའི་སྐད་དེ་མེད་པར་བྱ་བའི་ཕྱིར་རོ༎