ཙི་ཨོན་གྱི་དྲང་བ་ཉིད་ནི་འོད་མདངས་ལྟར་ཤར་བ་དང་། ཡེ་རུ་ཤ་ལེམ་གྱི་ཐར་པ་ནི་སྒྲོན་མེ་ལྟར་མ་འབར་བའི་བར་དུ། བདག་ཙི་ཨོན་གྱི་ཕྱིར་ཁ་ཡང་མི་རོག་ཅིང་། ཡེ་རུ་ཤ་ལེམ་གྱི་ཕྱིར་དལ་བར་ཡང་མི་སྡོད། ༢ དེ་ནས་ཕྱི་པ་རྣམས་ཀྱིས་ཁྱོད་ཀྱི་དྲང་བ་ཉིད་དང་། རྒྱལ་པོ་ཀུན་གྱིས་ཁྱོད་ཀྱི་དཔལ་མཐོང་བར་འགྱུར། ཡང་ཁྱོད་ལ་ཡ་ཧོ་ཝཱའི་ཞལ་གྱིས་བཏགས་པའི་མིང་གསར་པ་ཞིག་གིས་འབོད་པར་འགྱུར། ༣ ཡང་ཁྱོད་ཡ་ཧོ་ཝཱའི་ཕྱག་ནས་གཟི་བརྗིད་ཀྱི་ཅོད་པན་ཞིག་དང་། རང་གི་དཀོན་མཆོག་གི་ཕྱག་ན་གཙུག་རྒྱན་དུ་འགྱུར་བར་འགྱུར། ༤ སླར་ཁྱོད་ལ་བསྐྱུར་པ་ཡང་ཟེར་བར་མི་འགྱུར་ཏེ། ཁྱོད་ཀྱི་ཡུལ་ལ་ཡུལ་སྟོང་ཡང་འགྲགས་པར་མི་འགྱུར་གྱིས། ཁྱོད་ལ་ངའི་ཡིད་འོང་མ་དང་། ཁྱོད་ཀྱི་ཡུལ་ལ་ཁྱོ་ལྡན་མ་ཞེས་འབོད་པར་འགྱུར། དེ་ཅིའི་ཕྱིར་ཞེ་ན། ཡ་ཧོ་ཝཱ་ཁྱོད་ལ་ཐུགས་བསོད་ཅིང་། ཁྱོད་ཀྱི་ཡུལ་ནི་ཁྱོ་དང་ལྡན་པར་འགྱུར། ༥ ཇི་ལྟར་དར་ལ་བབ་པས་ལང་ཚོ་མ་བག་མར་བླང་། དེ་ལྟར་ཁྱོད་ཀྱི་བུ་རྣམས་ཀྱིས་ཁྱོད་བག་མར་བླང་བར་འགྱུར། ཡང་ཇི་ལྟར་བག་ཕོས་བག་མ་ལ་དགའ། དེ་ལྟར་ཁྱོད་ཀྱི་དཀོན་མཆོག་ཁྱོད་ལ་ཐུགས་མཉེས་པར་འགྱུར་རོ༎