ཀྱེ་ཙི་ཨོན། གཉིད་སོད། གཉིད་སོད། རང་གི་སྟོབས་གོན་ཞིག ཀྱེ་དམ་པའི་གྲོང་ཁྱེར་ཡེ་རུ་ཤ་ལེམ། རང་གི་གཟབ་གོས་གོན་ཞིག དེ་ཅིའི་ཕྱིར་ཞེ་ན། ད་ཕྱིན་ཆད་མ་བཅད་པའམ་གྲིབ་ཅན་གང་ཡང་ཁྱོད་ཀྱི་ནང་ན་འཛུལ་བར་མི་འགྱུར་རོ། ༢ ཀྱེ་ཡེ་རུ་ཤ་ལེམ། རང་གི་རྡུལ་སྤྲུགས་ལ། ལངས་ནས་སྡོད་ཅིག ཀྱེ་ཙི་ཨོན་གྱི་བུ་མོ་བཙུན་པ་ཁྱོད། རང་གི་མཇིང་པའི་བཀྱིག་ཐག་ཁྲོལ་ཞིག ༣ དེ་ཅིའི་ཕྱིར་ཞེ་ན། ཡ་ཧོ་ཝཱས་འདི་སྐད་གསུང་། རིན་མ་བླང་བར་ཁྱོད་ཅག་བཙོང་བ་ལྟར། དངུལ་མེད་པར་སྒྲོལ་བར་ཡང་བྱའོ། ༤ གང་ལ་ཞེ་ན། ཡ་ཧོ་ཝཱ་དཀོན་མཆོག་གིས་འདི་སྐད་དུ། དང་པོར་ངའི་འབངས་རྣམས་མི་སེར་ལ་འཁྱམ་དུ་སོང་། ཡང་ཨ་སུར་པས་དོན་མེད་ལ་དེ་དག་མནན། ༥ ད་ཡ་ཧོ་ཝཱས་འདི་སྐད་གསུང་། རིན་མེད་པར་ངའི་འབངས་བཙོན་དུ་འཁྱེར་བས། འདིར་ང་ལ་དོན་ཅི་ཡོད། དེ་དག་ལ་སྲིད་བྱེད་པ་རྣམས་ཀྱིས་ཧ་ཧ་ཟེར་གྱིན། རྒྱུན་ཆད་མེད་པར་ཉིན་ཐོག་ཐག་ངའི་མཚན་ལ་སྐུར་པ་འདེབས། ཞེས་ཡ་ཧོ་ཝཱས་གསུང་། ༦ དེའི་ཕྱིར་ངའི་འབངས་ཀྱིས་ངའི་མཚན་རྟོགས་པར་ངེས་ཏེ། ཀྱེ་ཧོ། ང་འདིར་ཡོད་ཅེས་གླེང་བ་པོ་ནི་ང་ཉིད་ལགས་པ་དེ་དག་གིས་ཉིན་མོ་དེར་རྟོགས་པར་འགྱུར།