ཀྱེ་རྒྱ་མཚོའི་གླིང་ཕྲན་རྣམས། ངའི་དྲུང་དུ་ཁ་རོག་སྡོད་ཅིག ཡང་མི་སྡེ་རྣམས་སྟོབས་གསར་སྐྱེད་ཅིང་ཉེ་བར་འོངས་ཤིག ༢ ཚུར་ཤོག་ལ་ཞུས་ཤིག གཤེགས་འབྱེད་དུ་འོ་སྐོལ་ལྷན་ཅིག་ཏུ་འདུས་ཤིག འགྲོ་ས་ཀུན་ཏུ་དྲང་བ་ཉིད་དང་འཕྲད་པ། མི་སྡེ་དག་དེའི་མདུན་དུ་བཞག་སྟེ། རྒྱལ་པོ་རྣམས་ཀྱི་ཐོག་ཏུ་སྲིད་སྐྱོང་དུ་ཤར་ཕྱོགས་པ་ཞིག་བསྐོས་པ་དེ་སུ་ལགས། དེ་དག་གི་རལ་གྲི་ཐལ་བ་ལྟར་དང་། ལྡིང་བའི་སོག་མ་ལྟར་ཁོའི་གཞུ་མོ་སུས་མཛད། ༣ དེས་དེ་དག་ལ་བདས་ཏེ། སྔོན་དུ་གོམ་པ་མ་བརྒྱབ་པའི་ལམ་ལས་ཀྱང་ཉེ་ཞོ་མེད་པར་བཞུད་དོ། ༤ འཕྲིན་ལས་འདི་གང་གིས་མཛད་ནས་མཐར་བསྐྱེལ་བ་ལགས། ཐོག་མ་ནས་མི་རབས་ཀུན་ལ་འབོད་མཁན། བདག་ཡ་ཧོ་ཝཱ་ནི་ཐོག་མར་མཆིས་པ། མཐའ་མ་རྣམས་དང་མཉམ་མཆིས་པ། ང་ནི་དེ་ཀའོ། ༥ གླིང་ཕྲན་རྣམས་ཀྱིས་མཐོང་ནས་འཇིགས་ཏེ། ས་མཐའ་རྣམས་དངང་སྐྲགས་ནས་ཉེ་བར་འོངས། ༦ དེ་དག་རེ་ཡིས་རང་གི་ཁྱིམ་མཚེས་ལ་རོགས་རམ་བྱས་ཏེ། རེ་ཡིས་རང་གི་སྤུན་ཟླ་ལ། སྙིང་རུས་སྐྱེད་ཅིག་སྨྲས་སོ། ༧ དེ་ལྟར་ཤིང་མཁན་གྱིས་གསེར་བཟོ་པ་དང་། ཐོ་བས་འཇམ་འདོན་མཁན་གྱིས་བཟོ་རྡོའི་ཁར་རྡུང་མཁན་ལ་རུས་བཅུག་ནས། སྦྱོར་རྩི་ལེགས་སོ་ཟེར་ནས། དེ་མི་འགུལ་བའི་ཕྱིར་གཟེར་གྱིས་བསྡམས་སོ༎