༥ དེའི་ཚེ་ལོང་བའི་མིག་ཕྱེས་ཏེ། འོན་པའི་རྣ་བ་འབྱེད་པར་འགྱུར། ༦ དེ་ནས་མི་ཞ་བོ་ཤ་བ་འདྲར་མཆོང་ཞིང་། ལྐུགས་པའི་ལྕེས་གླུ་ལེན་པར་འགྱུར་རོ། དེ་ཅིའི་ཕྱིར་ཞེ་ན། འབྲོག་སྟོང་ནང་ན་ཆུ་རྣམས་དང་། ཐང་སྟོང་གི་ནང་ན་གཙང་པོ་རྣམས་རྡོལ་བར་འགྱུར། ༧ ས་ཆ་སྐམ་པོ་ནི་རྫིང་དང་། སྐོམ་པའི་གནས་སུ་ཆུ་མིག་རྡོལ་བར་འགྱུར། སྤྱང་ཀི་ཉལ་བའི་གནས་ནི་འདམ་བུ་དང་རྩྭའི་ཤོངས་སུ་འགྱུར་བར་འགྱུར། ༨ ཡང་དེར་ལམ་དང་རྒྱ་ལམ་ཞིག་འབྱུང་བར་འགྱུར། དེ་ལ་གཤེགས་ལམ་དམ་པ་ཞེས་གདགས་སོ། མི་གཙང་བའི་མི་དེར་འགྲུལ་བར་མི་བྱའི། ཁོང་ནི་དེ་རྣམས་ཀྱི་དོན་དུ་དེར་གཤེགས་པར་འགྱུར། བྱེས་པ་མགོ་རྨོངས་པ་ཡང་དེར་ལམ་ནོར་བར་མི་འགྱུར་རོ། ༩ དེར་སེང་གེ་གང་ཡང་མི་འབྱུང་ཞིང་། གཅན་གཟན་གདུག་པ་ཅན་གང་ཡང་མི་འཛེགས་པས། དེ་ལྟ་བུ་དེར་རྙེད་པར་མི་འགྱུར་གྱི། ཐར་བར་གྱུར་པ་དག་དེར་འགྲོ་བར་བྱའོ། ༡༠ ཡ་ཧོ་ཝཱས་བླུས་པ་དག་དེའི་ཁར་ལོག་འོང་ཞིང་། གླུ་ལེན་གྱིན་ཙི་ཨོན་དུ་འོང་བར་འགྱུར། དེ་དག་གི་མགོ་ནི་མཐའ་མེད་པའི་བདེ་བ་དང་ལྡན་ཞིང་། བདེ་བ་དང་དགའ་བ་བརྙེས་པས། སྡུག་བསྔལ་དང་སྙིང་ཤུགས་ནི་འབྲོས་པར་འགྱུར་རོ༎