ཀྱེ་ཡ་ཧོ་ཝཱ། ཁྱེད་ནི་ངའི་དཀོན་མཆོག་ལགས། ངས་ཁྱེད་ལ་གཟེངས་བསྟོད་ཅིང་། ཁྱེད་ཀྱི་མཚན་ལ་བསྔགས་པར་བྱའོ། གང་ལ་ཞེ་ན། ཁྱེད་ཀྱིས་ངོ་མཚར་ཆེ་བའི་བྱ་བ་རྣམས་མཛད་དེ། ཁྱེད་ཀྱི་སྔ་མའི་གསུང་གྲོས་རྣམས་ནི་དམ་ཞིང་བདེན་པ་ལགས་སོ། ༢ གང་ལྟར་ཞེ་ན། ཁྱེད་ཀྱིས་གྲོང་ཁྱེར་ནི་སའི་ཕུང་པོ་དང་། གྲོང་ཁྱེར་བཙན་པོ་ནི་ཡུལ་གོག་དང་། མི་ཡན་གྱི་ཕོ་བྲང་ནི་གྲོང་ཁྱེར་དུ་མི་ལུས་པར་མཛད་པས། དེ་ནམ་ཡང་རྩིག་པར་མི་འགྱུར། ༣ དེའི་ཕྱིར་མི་སྟོབས་ལྡན་གྱིས་ཁྱེད་ལ་བསྟོད་ཅིང་། འཇིགས་སུ་རུང་བའི་མི་སྡེའི་གྲོང་ཁྱེར་རྣམས་ཀྱིས་ཁྱེད་ལ་བག་བྱེད་པར་འགྱུར། ༤ དེ་ཅིའི་ཕྱིར་ཞེ་ན། མི་དྲག་པོ་རྣམས་ཀྱི་ཁ་རླངས་ནི་རྩིག་པར་འཕོག་པའི་རླུང་དྲག་ལྟར་ལྡང་དུས་སུ། ཁྱེད་འཕོངས་པ་དག་ལ་རྫོང་དང་། དབུལ་ཕོངས་ལ་དཀའ་བའི་དུས་སུ་རྫོང་དང་། རླུང་དྲག་གི་ནང་ན་སྐྱབས་གནས་དང་། ཚད་པའི་ནང་དུ་གྲིབ་བསིལ་དུ་གྱུར་པའི་ཕྱིར་རོ། ༥ གནས་སྐམ་པོའི་ཚད་པ་ལྟར་ཁྱེད་ཀྱིས་མི་མཐའ་འཁོབ་ཀྱི་ཀུ་ཅོ་མེད་པར་བྱས་ཏེ། སྤྲིན་གྱི་གྲིབ་ཀྱིས་ཚད་པ་གཅོག་པ་ལྟར། མི་དྲག་པོ་རྣམས་ཀྱི་གླུ་དབྱངས་ཀྱང་བཅད་དོ༎