༥ ཡང་མཚོའི་ཆུ་རྣམས་ཆད་དེ། གཙང་པོ་སྐམས་ཏེ། སྟོང་པར་འགྱུར་བར་འགྱུར། ༦ དེ་ནས་གཙང་པོ་རྣམས་ལ་དྲི་ངན་བྲོས་ཏེ། མི་སེར་གྱི་རྒྱ་ཡུར་རྣམས་སྟོང་ཞིང་སྐམས་ཏེ། འདམ་བུ་དང་རྩོ་མ་ཡང་སྐེམ་པར་འགྱུར། ༧ ནཱིལ་གྱི་འགྲམ་དང་། ནཱིལ་གྱི་མཇུག་གི་རྩྭ་ཁ་རྣམས་དང་། ནཱིལ་གྱི་འཁོར་ལ་བཏབ་པ་ཐམས་ཅད་སྐམས་ཏེ། རྡུལ་དུ་གྱུར་ནས་མེད་པར་འགྱུར། ༨ དེ་ནས་ཉ་པ་དག་གིས་ཆོ་ངེས་དང་། ནཱིལ་གྱི་ནང་དུ་ལྕགས་ཀྱུ་འཕེན་མཁན་དག་གིས་མྱ་ངན་དང་། ཆུ་ཐོག་ཏུ་ཉ་དོལ་འབེབས་པ་རྣམས་རབ་ཏུ་ཉམས་ཐག་པར་འགྱུར་རོ། ༩ དེ་དག་མ་ཟད་རྩོ་མའི་ལས་བྱེད་མཁན་དང་། རས་ཐག་མཁན་རྣམས་ཀྱང་སྐྱེངས་པར་འགྱུར། ༡༠ ཡུལ་དེའི་ཀ་བ་རྣམས་སིལ་བུར་ཆག་སྟེ། གླ་པ་དག་གི་བགྱིད་པ་སྐྱུར་བར་འགྱུར།

༡༡ ཚོ་ཨན་གྱི་རྒྱལ་བུ་དག་ངོ་ཐོག་གླེན་པ་དང་། ཕར་ཨོའི་བཀའི་བློན་པོ་མཁས་པ་དག་གི་གྲོས་གཏམ་ནི་གླེན་གཏམ་དུ་གྱུར་པས་ན། ཁྱོད་ཀྱིས་ཕར་ཨོ་ལ། ང་ནི་མཁས་པའི་བུ་དང་། སྔར་གྱི་རྒྱལ་པོ་རྣམས་ཀྱི་བུ་བརྒྱུད་དོ། ཞེས་ཇི་ལྟར་སྨྲ་བར་བྱེད། ༡༢ ཁྱོད་ཀྱི་མི་མཁས་པ་ཚོ་ག་ན་ཡོད། ཇི་སྟེ་དེ་དག་ལ་ཤེས་རྒྱ་ཞིག་ཡོད་ན། དཔུང་ཆེན་གྱི་ཡ་ཧོ་ཝཱས་མི་སེར་གྱི་དོན་དུ་དཔེ་དཔེ་ཅི་མཛད་པ། ད་རང་དེ་དག་གིས་ཁྱོད་ལ་འཆད་པའི་རིགས་སོ། ༡༣ ཚོ་ཨན་གྱི་རྒྱལ་བུ་དག་གི་བློ་རྨོངས། ནཱོབ་ཀྱི་རྒྱལ་ཕྲན་དག་ལ་མགོ་བསྐོར་ཕོག མི་སྡེ་དེའི་ཆེད་འཁུར་བའི་མི་དེ་རང་དག་གིས་མི་སེར་ལ་ལམ་སྟོར་དུ་བཅུག་གོ། ༡༤ ཡ་ཧོ་ཝཱས་དེ་དག་གི་ནང་དུ་ཕྱིན་ཅི་ལོག་གི་སེམས་ཉིད་ཅིག་བཅུག་པས། སྐྱུག་ཅིང་འཁྱོར་བའི་རས་བཟིས་པ་དང་འདྲ་བར་དེ་དག་གིས་མི་སེར་པ་རྣམས་ལས་ཐམས་ཅད་ཀྱི་ནང་དུ་ལམ་སྟོར་དུ་འཇུག ༡༥ ཡང་མི་སེར་ལ་མགོའམ་རྔ་མའམ་ཡལ་གའམ། འདམ་བུ་ལ་བྱེད་རྒྱུའི་ལས་གང་ཡང་ལུས་པར་མི་འགྱུར་རོ༎

༡༦ ཉིན་མོ་དེར་མི་སེར་ནི་བུད་མེད་དང་འདྲ་བར་གྱུར་ཏེ། དེའི་ཐོག་ཏུ་དཔུང་ཆེན་གྱི་ཡ་ཧོ་ཝཱས་དབྱུག་ཏུ་ཡོད་པའི་ཁོང་གི་ཕྱག་དབྱུག་པའི་རྐྱེན་གྱིས། དེ་ནི་འཇིགས་ཤིང་དངང་སྐྲག་པར་འགྱུར་རོ། ༡༧ དེ་ནས་ཡ་ཧུ་དཱའི་ཡུལ་ནི་མི་སེར་པ་ལ་འཇིགས་པའི་རྒྱུར་གྱུར་ཏེ། དཔུང་ཆེན་གྱི་ཡ་ཧོ་ཝཱས་དེ་ལ་གནོད་པར་དཔེ་དཔེ་མཛད་པའི་རྐྱེན་གྱིས། དེའི་སྐོར་གཏམ་འབྱུང་བ་ཐམས་ཅད་ཀྱི་སྙིང་འཁྱོར་བར་འགྱུར།

༡༨ དེའི་དུས་སུ་མི་སེར་ཡུལ་གྱི་ནང་ན་ཀ་ན་ཨན་སྐད་དུ་གཏམ་བྱེད་ཅིང་། དཔུང་ཆེན་གྱི་ཡ་ཧོ་ཝཱའི་མནའ་སྐྱེལ་བའི་གྲོང་ཁྱེར་ལྔ་འབྱུང་བར་འགྱུར་ཏེ། དེའི་ནང་ན་གཅིག་གི་མིང་དུ་ཉི་མའི་གྲོང་ཞེས་གདགས་སོ། ༡༩ ཞག་དེར་མི་སེར་ཡུལ་ཁམས་ཀྱི་དབུས་ན་ཡ་ཧོ་ཝཱའི་མཆོད་ཁྲི་དང་། དེའི་ས་མཚམས་ན་ཡ་ཧོ་ཝཱའི་ཀ་བ་ཡོད་པར་འགྱུར་རོ། ༢༠ ཡང་དེ་ནི་མི་སེར་ཡུལ་ནང་དཔུང་ཆེན་གྱི་ཡ་ཧོ་ཝཱའི་མཚན་རྟགས་དང་དཔང་པོར་འགྱུར་འོང་། གང་གི་དོན་དུ་ཟེར་ན། རྔན་ཆེན་བྱེད་པ་དག་གིས་རྐྱེན་ཏེ། དེ་དག་གིས་ཡ་ཧོ་ཝཱ་ལ་འོ་དོད་བཏང་བས། ཁོང་གིས་དེ་དག་ལ་སྒྲོལ་མཛད་དབང་ལྡན་ཞིག་མངགས་ཏེ། སྐྱོབ་པར་འགྱུར་རོ། ༢༡ ཡང་ཡ་ཧོ་ཝཱ་ཁོང་ཉིད་མི་སེར་པ་ལ་མངོན་པར་མཛད་པ་དང་། ཞག་དེར་མི་སེར་པས་ཡ་ཧོ་ཝཱ་ངོ་ཕྲོད་དེ། ཁོང་ལ་དམར་མཆོད་དང་འབུལ་བ་རྣམས་འབུལ་བ་མ་ཟད། ཡ་ཧོ་ཝཱ་ལ་སྡོམ་པ་བླང་ཞིང་དེ་སྒྲུབ་པར་ཡང་བྱའོ། ༢༢ ཡ་ཧོ་ཝཱས་མི་སེར་པ་ལ་བརྡུང་ཡང་། གསོ་བར་ཡང་བྱའོ། ཡང་ཁོ་རྣམས་ཡ་ཧོ་ཝཱའི་ཕྱོགས་སུ་འཁོར་བ་དང་། ཁོང་གིས་དེ་དག་གི་ཞུ་གསོལ་བསྐང་སྟེ། ནད་གསོ་བར་འགྱུར་རོ༎

༢༣ ཉིན་མོ་དེར་མི་སེར་ནས་ཨ་སུར་གྱི་བར་དུ་རྒྱ་ལམ་ཞིག་འབྱུང་ཞིང་། ཨ་སུར་པ་མི་སེར་ཡུལ་དུ་དང་། མི་སེར་པ་ཨ་སུར་ཡུལ་དུ་འོངས་ཏེ། མི་སེར་པ་དང་ཨ་སུར་པ་འགྲོགས་ནས་བསྙེན་བཀུར་བྱེད་པར་འགྱུར། ༢༤ ཞག་དེར་ཨིས་ར་ཨེལ་ནི་མི་སེར་དང་ཨ་སུར་གྱི་གསུམ་པར་གྱུར་ཏེ། ས་གཞིའི་དཀྱིལ་ན་བྱིན་རླབས་སུ་འགྱུར་བར་འགྱུར་རོ། ༢༥ ཡང་དཔུང་ཆེན་གྱི་ཡ་ཧོ་ཝཱས་དེ་རྣམས་བྱིན་གྱིས་རློབས་ཤིང་། ངའི་འབངས་མི་སེར་དང་། ངའི་ཕྱག་བཟོ་ཨ་སུར་དང་། ངའི་ནོར་སྐལ་ཨིས་ར་ཨེལ་བྱིན་གྱིས་རློབས་པར་གྱུར་ཅིག ཅེས་གསུང་བར་འགྱུར་རོ༎