༢ ངའི་ཡིད་གྲོགས་ནི་སྐྱེད་ཚལ་དུ་འཚོ་བ་དང་། དྲེས་མའི་མེ་ཏོག་འཐུ་བ་ལ། ཉིད་ཀྱི་སྐྱེད་མོས་ཚལ་དུ་བལ་སམ་ཚས་ཁང་རྣམས་སུ་བཞུད། ༣ བདག་ནི་རང་གི་སེམས་ཀྱི་ཉེ་མོའི་ཡིན། ངའི་ཡིད་གྲོགས་ཀྱང་ངའི་ཡིན། ཁོང་དྲེས་མའི་མེ་ཏོག་གི་གསེབ་ན་འཚོ་བར་བྱེད།

༤ ཀྱེ་ངའི་སྲོག ཁྱེད་ཐིར་ཙཱ་ལྟར་མཛེས་ཤིང་། ཡེ་རུ་ཤ་ལེམ་ལྟར་འཆོར་མོ་སྟེ། འཕྱར་བའི་དམག་དཔུང་དང་འདྲ་བར་ཁྱེད་རྔོམ་བརྗིད་དང་ལྡན། ༥ ཁྱེད་ཀྱི་སྤྱན་གྱིས་ང་འཛིན་པས། ངའི་ཕྱོགས་ལས་སྤྱན་མིག་སྒྱུར་ཞིག ཁྱེད་ཀྱི་ལྕང་ལོ་གིལ་ཨད་ཁར་ཡོད་པའི་ར་ཁྱུ་དང་མཚུངས། ༦ ཁྱེད་ཀྱི་ཚེམས་ནི། ལུག་ཁྱུ་སྤུ་བལ་བྲེགས་ཤིང་བཀྲུས་ནས་ཕྱིར་འོང་བ། དེ་དག་གི་ནང་ན་རེ་རེ་ལ་ལུ་གུ་མཚེ་མ་ཡོད་དེ། སྐ་མོར་གཅིག་ཀྱང་མི་ལུས་པའི་ལུག་ཁྱུ་དང་མཚུངས། ༧ ལྕང་ལོའི་འོག་གི་ཁྱེད་ཀྱི་འགྲམ་པ་དང་། སེ་འབྲུ་ཕྱེད་ཀ་འདྲ། ༨ རྒྱལ་མོ་དྲུག་ཅུ་དང་། གཟིམས་གྲོགས་མ་བརྒྱད་ཅུ་དང་། ལང་ཚོ་མ་གྲངས་མེད་ཡོད་ཀྱང་། ༩ ངའི་ཕུག་རོན། ངའི་དྲི་མ་མེད་མ་ནི་གཅིག་འབའ་ཞིག་ཡོད། མོ་ནི་རང་གི་མའི་བུ་མོ་གཅིག་པུ་དང་། མངལ་དུ་བཀུར་བས་གཅེས་པར་འཛིན་པ་གཅིག་པུ་ལགས། བུ་མོ་རྣམས་ཀྱིས་ཁོ་མཐོང་ནས། བདེ་ལེགས་སྨྲས། རྒྱལ་མོ་དང་གཟིམ་གྲོགས་མ་རྣམས་ཀྱིས་མོ་མཐོང་སྟེ། བསྟོད་བསྔགས་སོ༎

༡༠ ཐོ་རངས་ལྟར་སྣང་ཞིང་། ཟླ་བ་ལྟར་མཛེས་ལ། ཉི་མ་ལྟར་ངོ་གསལ་བ། དམག་དར་འཕྱར་བའི་དམག་དཔུང་ལྟར་རྔོམ་བརྗིད་དང་ལྡན་མ་དེ་སུ་ལགས།

༡༡ ལུང་པའི་ཤིང་ཏོག་ལ་ལྟ་བ་དང་། རྒུན་ལ་མེ་ཏོག་འབར་མིན་དང་། སེ་འབྲུ་ལ་པད་བཏུམ་ཆགས་མིན་ལྟ་བ་ལ། བདག་རང་གི་སྟར་བུའི་ཚལ་དུ་ཕྱིན་པ་ཡིན། ༡༢ བདག་རང་ལ་ཆ་མེད་པར། ངའི་སེམས་ཀྱིས་བདག་ཨམ་མིན་ཨ་དིབ་ཀྱི་ཤིང་རྟ་ལྟ་བུར་བྱས།

༡༣ ལོག་ཤོག ལོག་ཤོག ཀྱེ་ཤུ་ལམ་མིད། ང་ཚོས་ཁྱེད་མཇལ་དུ་ལོག་ཤོག ལོག་ཤོག ཁྱེད་ཚོས་ཤུ་ལམ་མིད་ཀྱི་ནང་དུ་ཅི་མཐོང་བར་འགྱུར། མ་ཧ་ནཱ་ཨིམ་གྱི་རྩེད་མོ་དེ་མཐོང་བར་འགྱུར༎