མཁས་པའི་མི་དང་འདྲ་བ་སུ་ཡོད། དངོས་པོ་རྣམས་ཀྱི་དོན་དུ་སུས་འགྲེལ་བར་ཤེས། ཤེས་རབ་ཀྱིས་མིའི་ངོ་གདོང་ལྷག་གེ་བར་བྱེད། དེའི་ངོ་རྩུབ་པའང་འགྱུར་དུ་འཇུག ༢ དཀོན་མཆོག་གི་མནའི་དོན་དུ་རྒྱལ་པོའི་བཀའ་སྲུང་བའི་གྲོས་ངས་ཁྱེད་ལ་འདེབས་ཏེ། ༣ མྱུར་དུ་ཁོང་གི་ངོ་ལས་མ་བྲོས་ཤིག བྱ་བ་ངན་པའི་ནང་དུའང་རངས་ནས་མ་སྡོད་ཅིག དེ་ཅིའི་ཕྱིར་ཞེ་ན། ཁོང་གིས་ཉིད་ཀྱི་ཐུགས་དགོངས་བཞིན་དུ་བྱེད་པས། ༤ རྒྱལ་པོའི་བཀའ་ཤུགས་ཆེ་སྟེ། དེ་ལ། ཁྱེད་ཀྱིས་འདི་ཅི་བྱེད་སུས་ཞུ་བར་ནུས། ༥ བཀའ་ལ་ཉན་པས་རྐྱེན་ངན་མཐོང་བར་མི་འགྱུར། མི་མཁས་པའི་སྙིང་གིས་དུས་ཚོད་དང་གཤགས་གཉིས་ཀ་ཤེས། ༦ དེ་ཅིའི་ཕྱིར་ཞེ་ན། བྱ་བ་རེ་རེ་ལ་དུས་ཚོད་དང་གཤགས་འབྱེད་པ་ཞིག་ཡོད་པས། མིའི་ཐོག་ཏུ་རང་གི་ཉོན་མོངས་པ་ལྕིའོ། ༧ གང་ལྟར་ཞེ་ན། ཕྱིས་སུ་གང་འབྱུང་རྒྱུ་ཡིན་པ་ཁོས་མི་ཤེས། ཡང་ན་ནམ་དེ་འབྱུང་བར་འགྱུར་བ་སུས་འཆད་པར་ནུས། ༨ རླུང་བཟུང་ནས་འཇོག་པའི་དབང་དང་། འཆི་ཞག་ཐོག་དབང་ཐོབ་པའི་མི་སུ་ཡང་མེད། འཐབ་མོ་དེ་ལས་དགོངས་པའང་མི་རྙེད། ངན་པ་བྱེད་པ་དག་ངན་པས་སྐྱོབས་པར་མི་འགྱུར། ༩ འདི་དག་ཐམས་ཅད་ངས་མཐོང་སྟེ། ཉི་མའི་འོག་ན་བྱེད་པའི་བྱ་བ་ཚང་མའི་ནང་དུ་རང་གི་སྙིང་བཏང་བ་ཡིན། མི་གཅིག་གིས་གཞན་ལ་སྲིད་བྱེད་པའི་ངང་ནས་རང་ལ་རྐྱེན་ངན་འགུག་པའི་དུས་ཀྱང་འདུག་གོ།