༢ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ལྷ་རྣམས་ཀྱི་དཀོན་མཆོག་ལ་གཏང་རག་ཕུལ།

༣ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གཙོ་བོ་རྣམས་ཀྱི་གཙོ་བོར་གཏང་རག་ཕུལ།

༤ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ཁོང་ནི་གཅིག་པུས་ངོ་མཚར་ཆེ་རྣམས་མཛད།

༥ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གི་ཡེ་ཤེས་ཀྱིས་ནི་གནམ་རྣམས་མཛད།

༦ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གིས་ཆུ་རྣམས་སྟེང་དུ་ས་གཞི་བཏིང་།

༧ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གིས་འོད་ཆེན་རྣམས་ནི་མཛད་པ་ཡིན།

༨ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ཉིན་མོ་ལ་ནི་སྲིད་སྐྱོང་དུ་ཉི་མ།

༩ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། མཚན་མོར་སྲིད་ནི་སྐྱོང་དུ་ཟླ་སྐར་མ།

༡༠ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གིས་མི་སེར་སྔོན་སྐྱེས་རྣམས་བསད་དེ།

༡༡ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། དེ་ཚོའི་ཁྲོད་ལས་ཨིས་ར་ཨེལ་བཏོན་མཛད།

༡༢ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། མཐུ་ལྡན་ཕྱག་དང་བརྐྱངས་པའི་ཕྲག་པས་བཏོན།

༡༣ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གིས་རྒྱ་མཚོ་དམར་པོ་ཁག་གཉིས་མཛད།

༡༤ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། དེ་ཡི་དཀྱིལ་ནས་ཨིས་རེལ་ཕ་རོལ་དྲངས།

༡༥ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། འོན་ཀྱང་ཕར་ཨོ་དང་ནི་ཁོའི་དམག་དཔུང་། རྒྱ་མཚོ་དམར་པོའི་ནང་དུ་བསྐྱུར་བར་མཛད།

༡༦ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ཉིད་ཀྱི་མི་སྡེ་འབྲོག་སྟོང་ལམ་ལས་དྲངས།

༡༧ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། གང་གིས་རྒྱལ་པོ་ཆེན་པོ་རྣམས་ལ་བརྡུངས།

༡༨ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། མིང་གྲགས་ཆེ་བའི་རྒྱལ་པོ་རྣམས་བསད་མཛད།

༡༩ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ཨ་མོར་པ་ཡི་རྒྱལ་པོ་སི་ཧོན་དང་།

༢༠ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། བཱ་ཤན་ཡུལ་གྱི་རྒྱལ་པོ་ཨོག་དེ་དང་།

༢༡ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། དེ་ཚོའི་ཡུལ་རྣམས་ས་སྐལ་ཕྱིར་དུ་གནང་།

༢༢ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། བྲན་ཨིས་ར་ཨེལ་གྱི་ནོར་སྐལ་དུ་གནང་།

༢༣ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ངེད་འབུབས་ཡོད་པ་ཁོང་གིས་དྲན་མཛད་དེ།

༢༤ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ངེད་ཀྱི་དགྲ་བོ་རྣམས་ལས་ངེད་སྐྱོབ་བྱུང་།

༢༥ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ལུས་ཅན་ཀུན་ལ་ཁོང་གིས་ཟ་རྒྱུ་གནང་།

༢༦ ཁོང་གི་ཐུགས་རྗེ་དུས་རྒྱུན་གནས་པའི་ཕྱིར། ནམ་མཁའི་དཀོན་མཆོག་དེ་ལ་གཏང་རག་ཕུལ༎