༡༡༥
ངེད་ལ་མིན་ཀྱེ་ཡཱ་ཝཱེ་ངེད་ལ་མིན། འོན་ཁྱེད་ཐུགས་རྗེ་དང་ནི་བདེན་ཉིད་ཕྱིར། ཁྱེད་ཀྱི་མཚན་ལ་སྙན་གྲགས་གནང་དུ་གསོལ།༢ ད་དེ་རྣམས་ཀྱི་དཀོན་མཆོག་ག་རུ་ཡོད། ཅེས་ཕྱི་པ་ཚོས་ཅི་ལ་ཟེར་བར་རུང་།
༣ འོན་ཀྱང་ངེད་ཀྱི་དཀོན་མཆོག་ནམ་མཁར་བཞུགས། ཁོང་གི་ཐུགས་ལ་ཅི་དགྱེས་མཛད་པ་ཡིན།
༤ དེ་དག་ལྷ་སྐུ་རྣམས་ནི་གསེར་དང་ནི། དངུལ་ཡིན་མི་ཡི་ལག་པའི་བཟོ་ལས་ཡིན།
༥ ཁ་ནི་ཡོད་ཀྱང་དེ་རྣམས་གཏམ་མི་ལབ། མིག་ནི་ཡོད་ཀྱང་དེ་རྣམས་ཀྱིས་མི་མཐོང་།
༦ རྣ་བ་ཡོད་ཀྱང་དེ་རྣམས་ཀྱིས་མི་ཐོས། སྣ་ནི་ཡོད་ཀྱང་དྲི་ནི་སྣོམ་མི་བྱེད།
༧ ལག་པ་ཡོད་ཀྱང་རེག་པར་མི་བྱེད་དེ། རྐང་པ་ཡོད་ཀྱང་དེ་རྣམས་མི་འགྲུལ་ལོ། དེ་ཚོའི་གྲེ་བའི་ནང་ནས་སྐད་མི་འཐོན།
༨ ལྷ་བཟོ་བ་དང་དེ་ཚོར་བློ་གཏད་མཁན། ཐམས་ཅད་དེ་རྣམས་འདྲ་བར་འགྱུར་བར་འགྱུར།
༩ ཨིས་ར་ཨེལ་ཀྱེ་ཡཱ་ཝཱེར་ཁྱེད་བློ་གཏོད། ཁོང་ནི་དེ་ཚོའི་ཕུབ་དང་ར་མདའ་ཡིན།
༡༠ ཡཱ་ཝཱེར་བློ་གཏོད་ཨ་རོན་གྱི་ཁྱིམ་ཀྱེ། ཁོང་ནི་དེ་ཚོའི་ཕུབ་དང་ར་མདའ་ཡིན།
༡༡ ཡཱ་ཝཱེར་འཇིགས་མཁན་ཡཱ་ཝཱེར་བློ་གཏོད་ཅིག ཁོང་ནི་དེ་ཚོའི་ཕུབ་དང་ར་མདའ་ཡིན།
༡༢ ཡཱ་ཝཱེས་ངེད་ནི་དྲན་ཞིང་བྱིན་གྱིས་རློབ། ཨིས་ར་ཨེལ་ལ་བྱིན་གྱིས་རློབ་པར་འགྱུར།
༡༣ ཡ་ཧོ་ཝཱ་ལ་འཇིགས་པའི་མི་ཆེན་དང་། མི་ཆུང་གཉིས་པོར་བྱིན་གྱིས་རློབ་པར་འགྱུར། ཨ་རོན་ཁྱིམ་ལ་བྱིན་གྱིས་རློབ་པར་འགྱུར།
༡༤ ཡཱ་ཝཱེས་ཁྱེད་དང་བུ་བརྒྱུད་རྒྱས་མཛོད་ཅིག
༡༥ གནམ་ས་མཛད་པའི་ཡཱ་ཝཱེའི་བྱིན་བབས་ཁྱེད།
༡༦ ནམ་མཁའ་རྣམས་ནི་ཡཱ་ཝཱེའི་ནམ་མཁའ་ཡིན། འོན་ཀྱང་མིའི་བུ་རྣམས་ལ་ས་གཞི་གནང་།
༡༧ གཤིན་པོ་རྣམས་དང་གཏམ་མེད་སར་བབས་པས། ཡ་ཧོ་ཝཱ་ལ་བསྟོད་པ་མི་བྱེད་ཀྱང་།
༡༨ ངེད་ཀྱིས་ད་ཕྱིན་རྒྱུན་དུ་ཡཱ་ཝཱེར་བསྟོད། ཡ་ཧོ་ཝཱ་ལ་བསྟོད་པར་གྱིས་ཤིག་ཨང་༎