༡༡༦
ངའི་འོ་དོད་དང་འཕྲིན་བཅོལ་ཡ་ཧོ་ཝཱས། གསན་པས་ང་ཡིས་ཁོང་ལ་གཅེས་པར་འཛིན།༢ དེ་ལྟར་ཁོང་གིས་ང་ལ་སྙན་བཏད་པས། ཚེ་གང་ཁོང་ལ་སྨོན་ལམ་འདེབས་པར་བྱ།
༣ འཆི་བའི་ཐག་པ་རྣམས་ཀྱིས་ང་བཀྱིག་སྟེ། གཤིན་ཡུལ་ཟུག་གཟེར་བདག་ལ་ཐེབས་གྱུར་ཏེ། ང་ལ་ཉོན་མོངས་སེམས་ཚེར་བྱུང་བ་དང་།
༤ ཡཱ་ཝཱེའི་མཚན་ནས་བརྗོད་དེ་ཀྱེ་ཡཱ་ཝཱེ། ངའི་སྲོག་སྐྱོབ་པར་མཛད་ཕྱིར་ཞུ་བར་བྱེད།
༥ ཡཱ་ཝཱེ་ཐུགས་རྗེ་ཅན་དང་ཐུགས་དྲང་ལགས། ངེད་ཀྱི་དཀོན་མཆོག་ཐུགས་རྗེ་ཅན་ལགས་སོ༎
༦ ཡཱ་ཝཱེས་དྲང་སུམ་མི་རྣམས་སྲུང་བར་མཛད། ང་ནི་ཐུར་དུ་སོང་ཡང་ཁོང་གིས་སྐྱོབ།
༧ ཀྱེ་ངའི་སེམས་ཁྱོད་ལ་ཡཱ་ཝཱེས་བཀའ་དྲིན། མཛད་པས་རང་གི་སེམས་བདེའི་ནང་སླར་སྡོད།
༨ དེ་ལྟར་ཁྱེད་ཀྱིས་ངའི་སྲོག་འཆི་བ་དང་། ངའི་མིག་མཆི་མ་དང་ནི་ངའི་རྐང་པ། འདྲེད་པ་ལས་ནི་སྐྱོབ་པར་མཛད་པ་ཡིན།
༩ གསོན་པོའི་ཡུལ་ནང་ཡཱ་ཝཱེའི་དྲུང་ང་འགྲུལ།
༡༠ ང་ཡིས་དད་པས་འདི་ལྟར་སྨྲ་བར་བྱ། སྡུག་བསྔལ་ཆེན་པོའི་ནང་ང་ཡོད་པ་ཡིན།
༡༡ མི་ཀུན་རྫུན་ཅན་ཡིན་ཞེས་རིངས་པས་སྨྲས།
༡༢ ང་ལ་ཡ་ཧོ་ཝཱ་ལས་བརྙེད་བྱུང་བའི། བཀའ་དྲིན་དེ་ཀུན་གཟོ་རུ་ཅི་ཞིག་འབུལ།
༡༣ ང་ཡིས་སྲོག་སྐྱོབ་ཕོར་པ་ཡར་འདེགས་ཤིང་། ཡཱ་ཝཱེའི་མཚན་ལ་གསོལ་བ་འདེབས་པར་བྱ།
༡༤ ཁོང་གི་མི་སྡེ་ཚང་མའི་མཐོང་ས་རུ། དམ་བཅས་རྣམས་ངས་ཡཱ་ཝཱེར་འབུལ་བར་བྱ།
༡༥ ཡཱ་ཝཱེའི་དམ་པ་དག་གི་འཆི་བ་ནི། ཁོང་གི་གཟིགས་ངོར་རིན་ཐང་ཆེ་བ་ཡིན།
༡༦ ཁྱེད་ཀྱི་བྲན་པོ་ང་ཡིན་ཀྱེ་ཡཱ་ཝཱེ། ཁྱེད་ཀྱི་བྲན་མོའི་བུ་ང་ཁྱེད་བྲན་ཡིན། ངའི་བཀྱིག་ཐག་རྣམས་ཁྱེད་ཀྱིས་བཀྲོལ་མཛད་པས།
༡༧ ཁྱེད་ལ་གཏང་རག་མཆོད་པ་མཆོད་པར་བྱ། ཡཱ་ཝཱེའི་མཚན་ལ་སྨོན་ལམ་འདེབས་པར་བྱ།
༡༨-༡༩ ཁོང་གི་མི་སྡེ་ཡོངས་ཀྱི་མཐོང་ས་རུ། དམ་བཅས་རྣམས་ངས་ཡཱ་ཝཱེར་འབུལ་བར་བྱ། ཡཱ་ཝཱེའི་ཕོ་བྲང་ཁྱམས་ནི་རྣམས་ཀྱི་ནང་། ཡེ་རུ་ཤ་ལེམ་ཀྱེ་ཁྱེད་དབུས་སུ་འོ། ཡ་ཧོ་ཝཱ་ལ་བསྟོད་པར་གྱིས་ཤིག་ཨང་༎