༢-༣ སྔ་དྲོར་ཁྱེད་ཀྱི་བྱམས་གཟིགས་དང་། མཚན་མོར་ཁྱེད་ཀྱི་ཐུགས་དྲང་ལ། རྒྱུད་བཅུའི་རོལ་ཆས་དང་པི་ཝང་། སྒྲ་སྙན་སྐད་ཆེན་བཅས་ཤོད་ཅིག

༤ ཅི་ལ་ཞུ་ན་ཁྱེད་ཡཱ་ཝཱེ། མཛད་པའི་ངང་ནས་ང་དགའ་བཅུག ཁྱེད་ཀྱི་ཕྱག་གི་མཛད་པའི་རྐྱེན། ང་ཡིས་སེམས་སྐྱིད་བྱེད་པར་བྱ།

༥ ཀྱེ་ཡ་ཧོ་ཝཱ་ཁྱེད་ཉིད་ཀྱི། ཕྲིན་ལས་རྣམས་ནི་ཇི་ལྟར་ཆེ། ཁྱེད་ཀྱི་ཐུགས་དགོངས་རབ་ཏུ་ཟབ།

༦ བྱོལ་སོང་འདྲ་བའི་མིས་མི་ཤེས། འདི་ནི་གླེན་པས་ཧ་མི་གོ།

༧ སྡིག་སྤྱོད་སྔོ་འདྲར་སྐྱེ་ངན་བྱེད། མི་ཀུན་དར་ཞིང་རྒྱས་ན་ཡང་། དེ་ནི་ཁོ་རྣམས་དུས་རྒྱུན་ཕྱིར། མེད་པར་འགྱུར་བའི་ཕྱིར་ཡིན་ནོ༎

༨ འོན་ཀྱང་ཁྱེད་ཀྱེ་ཡཱ་ཝཱེ་ནི། རྟག་ཏུ་ཡར་འཕགས་པ་ལགས་སོ༎

༩ ཡཱ་ཝཱེ་ཁྱེད་ཀྱི་དགྲ་ཚོར་གཟིགས། གཟིགས་ཤིག་ཁྱེད་དགྲ་རྣམས་འདའ་འོང་། ལས་ངན་བྱེད་ཚད་གཏོར་བར་འགྱུར།

༡༠ འོན་ངའི་རུ་བ་གླང་རྒོད་ཀྱི། རྭ་ལྟར་ཁྱེད་ཀྱིས་མཐོ་བར་བྱས། འབྲུ་མར་གསར་པས་ང་བྱུགས་མཛད།

༡༡ ང་ཡི་མིག་གིས་དགྲ་རྣམས་མཐོང་། ངའི་དགྲར་ལྡང་བའི་ངན་བྱེད་པའི། མི་རྣམས་སྐོར་ནི་ངའི་རྣས་ཐོས།

༡༢ ཆོས་དྲང་ཁ་ཟུར་ཤིང་ལྟར་རྒྱས། ལི་བ་ནོན་གྱི་ཤུག་སྡོང་ལྟར། སྐྱེད་ལ་འོང་བར་འགྱུར་བར་འགྱུར།

༡༣ ཡཱ་ཝཱེ་ཁྱིམ་ནང་བཙུགས་པ་རྣམས། ངེད་ཅག་རྣམས་ཀྱི་དཀོན་མཆོག་གི། སྡེ་ཡངས་རྣམས་ནང་རྒྱས་འགྱུར་ཞིང་།

༡༤ རྒས་པའི་དུས་སུའང་ཤིག་ཐོག་ཆགས། རྩི་བཅུད་ལོ་མས་གང་བར་འགྱུར།

༡༥ དེའི་དོན་ཡཱ་ཝཱེ་ཐུགས་དྲང་ཞིང་། ཁོང་ནི་རང་གི་བྲག་རི་དང་། ཁོང་གི་ནང་ན་མི་རིགས་པ། མེད་པ་དེ་ནི་སྟོན་ཕྱིར་ཡིན༎