༢ ང་ཆོས་དྲང་བས་ངའི་སྲོག་སྲུང་མཛོད་ཅིག ཀྱེ་ངའི་དཀོན་མཆོག་ཁྱེད་ལ་བློ་གཏད་པའི། ཁྱེད་ཀྱི་གཡོག་པོ་སྐྱོབ་པར་མཛད་དུ་གསོལ།

༣ ཉིན་གང་ཁྱེད་ལ་འོ་དོད་ངས་འབོད་པས། ང་ལ་སྙིང་རྗེ་མཛོད་ཅིག་ཀྱེ་ཡཱ་ཝཱེ།

༤ གཙོ་བོ་བཟང་ཞིང་བཤགས་པ་མཛད་དུ་ཁྱེད། གྲལ་འགྲིག་བཞུགས་ཤིག་ཁྱེད་མཚན་བརྗོད་ཚད་ལ། ཁྱེད་ནི་སྙིང་རྗེ་དཔག་མེད་ལྡན་པས་ན།

༥ ངའི་སེམས་ཁྱེད་ཕྱོགས་འདེགས་པས་ཀྱེ་ཡཱ་ཝཱེ། ཁྱེད་ཀྱི་གཡོག་པོའི་སེམས་དེ་སྐྱིད་པོ་མཛོད།

༦ ང་ཡི་སྨོན་ལམ་སྙན་གཏོད་ཀྱེ་ཡཱ་ཝཱེ། བདག་གི་འཕྲིན་བཅོལ་སྐད་དེ་གསན་པར་མཛོད།

༧ ཁྱེད་ཀྱིས་ང་ལ་བཀའ་ལན་གནང་འོང་བས། སྙོན་མོངས་དུས་ངས་ཁྱེད་ལ་འབོད་པར་བྱ།

༨ གཙོ་བོ་ཁྱེད་འདྲ་ལྷའི་ཁྲོད་གང་ཡང་མེད། ཁྱེད་ཀྱི་མཛད་པ་དཔེ་ཟླ་དང་བྲལ་ལོ༎

༩ ཁྱེད་ཀྱིས་མཛད་པའི་མི་རིགས་ཀུན་འོང་ཞིང་། ཁྱེད་དྲུང་ཕྱག་འཚལ་བར་བྱ་ཀྱེ་ཡཱ་ཝཱེ། ཁྱེད་ཀྱི་མཚན་ལ་བསྟོད་ཅིང་བསྔགས་པར་འགྱུར།

༡༠ ཁྱེད་གཅིག་དཀོན་མཆོག་ལགས་ཏེ་ཁྱེད་ཆེ་བས། ངོ་མཚར་རྨད་བྱུང་བ་རྣམས་ཁྱེད་ཀྱིས་མཛད།

༡༡ ང་ལ་ཁྱེད་ཀྱི་ལམ་སྟོན་ཀྱེ་ཡཱ་ཝཱེ། ཁྱེད་ཀྱི་བདེན་པའི་ནང་ང་འགྲུལ་བར་བྱ། ཁྱེད་ཀྱི་མཚན་ལ་འཇིགས་ཕྱིར་ངའི་སྙིང་ཧྲིལ།

༡༢ ཁྱེད་ཀྱིས་ངའི་སེམས་གཤིན་ཡུལ་ལས་བཏོན་ཏེ། ངའི་ཐོག་ཁྱེད་ཀྱི་སྙིང་རྗེ་ཆེ་བས་ན།

༡༣ ཀྱེ་ངའི་དཀོན་མཆོག་ཡཱ་ཝཱེ་ཁྱེད་ལ་ངས། ངའི་སྙིང་ཧྲིལ་པོས་ཁྱེད་ལ་བསྟོད་བསྔགས་ཤིང་། ཁྱེད་ཀྱི་མཚན་གྱི་ཆེ་བ་བརྗོད་པར་བྱ།

༡༤ ཀྱེ་ཧོ་དཀོན་མཆོག་རང་མཐོང་ཅན་རྣམས་ངའི། དགྲར་ལངས་དྲག་ཤུལ་ཅན་གྱི་མི་ཚོགས་ཀྱིས། བདག་གི་སྲོག་གི་ཕྱི་བཞིན་བདའ་བར་བྱེད། དེ་ཚོས་ཁྱེད་ནི་མིག་རྟེན་དུ་མི་འཛིན།

༡༥ འོན་ཀྱང་གཙོ་བོ་ཁྱེད་ནི་སྙིང་རྗེ་དང་། ཐུགས་རྗེ་ཅན་གྱི་དཀོན་མཆོག་ཅིག་ལགས་པས། ཐུགས་ཁྲོ་མཛད་དུ་འགོར་ཞིང་སྙིང་རྗེ་དང་། བདེན་པ་ཉིད་ནང་ཁྱེད་ནི་ཕྱུག་པོ་ལགས།

༡༦ ངའི་ཕྱོགས་ཞལ་སྒྱུར་ང་ལ་སྙིང་རྗེ་མཛོད། ཉིད་ཀྱི་གཡོག་པོར་ཁྱེད་ཀྱིས་སྟོབས་གནང་ཞིང་། ཁྱེད་ཀྱི་གཡོག་མོའི་བུ་དེ་སྐྱོབ་པར་མཛོད།

༡༧ ཡཱ་ཝཱེ་ཁྱེད་ཀྱིས་གྲོགས་མཛད་ང་ཡི་སེམས། གསོས་པ་སྡང་དགྲས་མཐོང་ནས་ངོ་ཚ་ཕྱིར། ང་ལ་བཟང་བའི་ལྟས་ཤིག་སྟོན་པར་མཛོད༎