༢ ཨེབ་ར་ཨིམ་དང་བེན་ཡ་མིན། མ་ན་ཤེ་དང་གསུམ་གྱི་མདུན། ཁྱེད་ཀྱི་མཐུ་སྟོབས་བཞེངས་མཛད་དེ། ངེད་ཅག་སྐྱོབ་ཕྱིར་འབྱོན་པར་མཛོད།

༣ སྔར་ལྟར་ངེད་མཛོད་ཀྱེ་དཀོན་མཆོག ཁྱེད་ཀྱི་ཞལ་ངོ་འོད་འཕྲོ་མཛོད། དེ་ནས་ངེད་རྣམས་ཐར་བར་འགྱུར།

༤ དཔུང་ཆེན་དཀོན་མཆོག་ཀྱེ་ཡཱ་ཝཱེ། ཁྱེད་ཀྱི་མི་སྡེའི་སྨོན་ལམ་ལ། ནམ་ཐུག་ཐུགས་ཁྲོ་མཛད་པར་བྱ།

༥ དེ་ཚོར་འཆི་མའི་ཟས་སྟེར་མཛད། མིག་ཆུ་མང་ཙང་འཐུང་དུ་གནང་།

༦ ངེད་རྣམས་ཁྱིམ་མཚེས་འཛིང་རྒྱུར་མཛད། ངེད་ལ་དགྲ་རྣམས་ཧབ་དགོད་བྱེད།

༧ དཔུང་ཆེན་རྣམས་ཀྱི་ཀྱེ་དཀོན་མཆོག ངེད་རྣམས་སྔར་བཞིན་འགྱུར་དུ་ཆུག ཁྱེད་ཀྱི་ཞལ་ངོ་འོད་འཕྲོ་མཛོད། དེ་ནས་ངེད་རྣམས་ཐར་བར་འགྱུར།

༨ མི་སེར་ནས་རྒུན་ཤིང་ཞིག་དྲངས། མི་བརྒྱུད་རྣམས་བསྐྲད་དེ་དེར་བཙུགས།

༩ ཁྱེད་ཀྱིས་དེའི་ཕྱིར་གནས་བཅས་ཏེ། རྩ་བ་བརྐྱངས་ཏེ་ཡུལ་གང་བྱུང་།

༡༠ རི་རྣམས་དེ་ཡི་བསིལ་གྱིས་བཀབ། དཀོན་མཆོག་གི་ཤུག་སྡོང་ལྟར། དེ་ཡི་ཡལ་ག་ཡོད་པ་ཡིན།

༡༡ རྒྱ་མཚོའི་བར་དེས་ཡལ་འདབ་བརྐྱངས། ཡུབ་ནད་ཐུག་དེས་ལྕུག་གསར་བརྐྱངས།

༡༢ ཁྱེད་ཀྱིས་མཐའ་གྱང་ཅི་ལ་བཤིགས། ལམ་ལས་འགྲོ་མཁན་མི་ཚང་མས། དེ་ཡི་ཡལ་ག་བཤུར་བར་བྱེད།

༡༣ ནགས་ཀྱི་ཕག་པས་འདོད་མེད་བྱེད། རི་ཡི་རི་དྭགས་ཀྱིས་དེ་ཟའོ༎

༡༤ དཔུང་ཆེན་རྣམས་ཀྱི་ཀྱེ་དཀོན་མཆོག སླར་གདན་འཁོར་ཕྱིར་ངེད་ཀྱིས་ཞུ། གནམ་ནས་ལྟ་ཞིང་གཟིགས་མཛད་དེ། རྒུན་ཤིང་འདི་ལ་ལྟ་བསྐོར་མཛོད།

༡༥ ཁྱེད་ཕྱག་གཡས་པས་བཙུགས་པ་ཡི། སྡོང་པོ་དང་ནི་ཁྱེད་ཉིད་ཕྱིར། ཤེད་ཅན་མཛད་པའི་ཡལ་གར་གཟིགས།

༡༦ མེས་དེ་བསྲེགས་ནས་བཅད་དེ་འདུག ཁྱེད་ཞལ་གྱིས་བཀྱོན་པས་དེ་འདའོ༎

༡༧ ཁྱེད་ཀྱི་ཕྱག་གཡས་ཕྱོགས་ཀྱི་མི། ཉིད་ཕྱིར་སྟོབས་ཅན་མཛད་པ་ཡི། མིའི་བུའི་ཐོག་ཏུ་ཁྱེད་ཕྱག་འཇོག

༡༨ དེ་ནས་ཁྱེད་ལས་ངེད་མི་འཁྱར། ངེད་རྣམས་གསོན་པོར་མཛོད་ཅིག་དང་། ངེད་ཀྱིས་ཁྱེད་ཀྱི་མཚན་རྗོད་འོང་།

༡༩ དཔུང་ཆེན་རྣམས་ཀྱི་ཀྱེ་དཀོན་མཆོག ངེད་རྣམས་སྔར་བཞིན་འགྱུར་དུ་ཆུག ཁྱེད་ཀྱི་ཞལ་ངོ་འོད་འཕྲོ་མཛོད། དེ་ནས་ངེད་ཅག་ཐར་བར་འགྱུར༎