༢ ཁྱེད་ཀྱི་མི་སྡེ་དེས་དྲང་བ་ཉིད་དང་། ཁྱེད་ཀྱི་དབུལ་པོའི་ཁྲིམས་ནི་དྲང་པོར་གཅོད།

༣ རི་རྣམས་ལས་ནི་མི་སྡེར་ཞི་བདེ་དང་། རི་ཕྲན་རྣམས་ལས་དྲང་བ་ཉིད་སྐྱེ་འོང་།

༤ དེ་ཡིས་མི་སྡེ་དབུལ་པོའི་གཤགས་གཅོད་ཅིང་། འཕོངས་པ་རྣམས་ཀྱི་བུ་ཕྲུག་སྐྱོབ་པར་འགྱུར། དབང་ཤུགས་བྱེད་མཁན་ཐམས་ཅད་ཕྱེ་མར་འཐག

༥ ཉི་མ་དང་ནི་ཟླ་བ་གནས་རིང་བར། མི་རབས་ནས་ནི་མི་རབས་ཁྱེད་ལ་འཇིགས།

༦ བརྔས་པའི་རྩྭ་ཐང་གི་ཁར་ཆར་ཆུའམ། ས་གཞི་འཆུ་བའི་ཆར་ལྟར་ཁོང་འབྱོན་འགྱུར།

༧ ཁོང་གི་སྐུ་རིང་ཆོས་དྲང་དར་འགྱུར་ཞིང་། ཟླ་བ་གནས་རིང་དུས་བདེ་ཆེར་གནས་འགྱུར།

༨ རྒྱ་མཚོ་ནས་ནི་རྒྱ་མཚོ་ཡུབ་རཱད་ནས། ས་མཐའི་བར་དུ་ཁོང་གི་རྒྱལ་སྲིད་འགྱུར།

༩ ཐང་གར་གནས་པས་ཁོང་དྲུང་ཕྱག་འཚལ་ཞིང་། ཁོང་གི་དགྲ་རྣམས་ཐལ་བ་ལྡག་པར་འགྱུར།

༡༠ ཐར་ཤིས་དང་ནི་གླིང་ཕྲན་རྒྱལ་པོ་ཚོས། ཕྱག་རྟེན་འབུལ་ཞིང་ཤེ་བཱ་དང་སེ་བཱའི། རྒྱལ་པོ་རྣམས་ཀྱིས་ཕྱག་རྟེན་འབུལ་བར་འགྱུར།

༡༡ རྒྱལ་པོ་ཀུན་ཡང་ཁོང་དྲུང་ཕྱག་འཚལ་ཞིང་། མི་བརྒྱུད་ཀུན་གྱིས་ཁོང་གི་གཡོག་བྱ་འོང་།

༡༢ འཕོངས་པས་འོ་དོད་འདོན་དུས་དང་སྐྱབས་མེད། དབུལ་པོ་ཁོང་གིས་སྒྲོལ་བར་མཛད་པར་འགྱུར།

༡༣ ནོར་མེད་དབུལ་པོར་ཁོང་གིས་སྙིང་རྗེ་ཞིང་། ཁོང་གིས་དབུལ་པོ་རྣམས་ཀྱི་སྲོག་སྐྱོབ་བྱ།

༡༤ དབང་དང་དབང་ཤུགས་ལས་སྲོག་བླུ་མཛད་ཅིང་། ཁོང་གི་གཟིགས་ངོར་དེ་ཚོའི་ཁྲག་རིན་ཆེ།

༡༥ དེ་རྣམས་འཚོ་བར་འགྱུར་ཞིང་ཡང་ཁོང་ལ། ཤེ་བཱའི་གསེར་རྣམས་འབུལ་འོང་ཁོང་གི་དོན། མི་རྣམས་ཆད་མེད་སྨོན་ལམ་འདེབས་པར་འགྱུར། ཉིན་རེར་ཁོང་ལ་བཀྲ་ཤིས་ཤིག་ཟེར་འོང་།

༡༦ ས་གཞི་དང་ནི་རི་རྩེར་འབྲུ་མང་ཞིང་། ལི་བ་ནོན་ལྟར་སྙེ་མ་གཡོན་གཡོན་བྱ། གྲོང་ཁྱེར་པ་རྣམས་སའི་རྩྭ་ལྟར་དར་ཤོག

༡༧ ཁོང་གི་མཚན་ནི་དུས་རྒྱུན་གནས་པར་འགྱུར། ཉི་མ་ཡོད་རིང་མཚན་གྲགས་ལུས་པར་འགྱུར། ཁོང་གི་ཐབས་ཀྱིས་མི་ལ་བྱིན་རླབས་རྙེད། མི་བརྒྱུད་ཀུན་གྱིས་ཁོང་ལ་བདེའོ་ཞུ་འོང་།

༡༨ ཨིས་ར་ཨེལ་གྱི་དཀོན་མཆོག་ཡ་ཧོ་ཝཱ། བཀྲ་ཤིས་ཁོང་ནི་གཅིག་པོས་ཧ་ལས་མཛད།

༡༩ དུས་རྒྱུན་ཁོང་མཚན་དཔལ་ལྡན་བཀྲ་ཤིས་ཤོག ས་གཞི་ཐམས་ཅད་ཁོང་ཟིལ་གྱིས་གང་ཤོག དེ་དེ་བཞིན་ནོ་དེ་དེ་བཞིན་དུའོ༎

༢༠ ཨི་ཤཱའི་བུ་དཱ་བིད་ཀྱི་སྨོན་ལམ་རྫོགས་སོ༎