ཕེ་ལེ་ཤེད་པས་གད་ལ་དཱ་བིད་བཟུང་དུས་སུ་དབུ་མཛད་ལ་རྒྱང་རིང་སྒྲ་མེད་ཕུག་རོན་བྱ་བའི་དབྱངས་ནང་དཱ་བིད་ཀྱི་མིག་ཏཱམ་ཞིག་ནི།
༥༦
མི་ཡིས་ཁོ་བོ་ཁྱུར་མིད་བྱེད་འདོད་དེ། ཉིན་གང་འཐབ་ཅིང་བརྡབས་སིགས་བྱེད་པས་ན། ང་ལ་སྙིང་རྗེ་མཛོད་ཅིག་ཀྱེ་དཀོན་མཆོག༢ ང་རྒྱལ་བྱེད་ཅིང་ང་ལ་རྒོལ་མཁན་མང་། ཉིན་གང་བདག་གི་དགྲ་ཚོས་ང་མིད་འདོད།
༣ འཇིགས་དུས་བདག་གིས་ཁྱེད་ལ་བློ་གཏད་བྱ།
༤ དཀོན་མཆོག་ནང་ན་ཁོང་གི་བཀའ་ལ་བསྟོད། དཀོན་མཆོག་ལ་བློ་གཏད་ཅིང་ང་མི་འཇིགས། ང་ལ་ལུས་ཅན་གྱིས་ནི་ཅི་བྱེད་ནུས།
༥ ཉིན་གང་དེ་ཚོས་བདག་གི་གཏམ་གཅོག་ཅིང་། བསམ་པ་ཐམས་ཅད་ང་ལ་ངན་བྱེད་པའོ༎
༦ དེ་རྣམས་ཕྱོགས་གཅིག་འདུས་ནས་ཡིབ་པར་བྱེད། ང་ཡི་རྐང་རྗེས་གཅོད་ཅིང་སྲོག་ལ་འཇབ།
༧ ཉེས་པ་བྱེད་པས་དེ་རྣམས་ཐར་འགྱུར་རམ། ཁྲོ་བས་མི་སྡེ་རྡབ་མཛོད་ཀྱེ་དཀོན་མཆོག
༨ ང་ནི་རྒྱུ་བའི་གྲངས་རྩི་ཁྱེད་ཀྱིས་མཛད། བདག་གི་མཆི་མ་ཁྱེད་ཀྱི་བུམ་པར་བསགས། དེ་རྣམས་ཁྱེད་ཀྱི་ཕྱག་དཔེ་ནང་མེད་དམ།
༩ བདག་གིས་འོ་དོད་འབོད་དུས་ངའི་དགྲ་འཕམ། དཀོན་མཆོག་ངའི་ཕྱོགས་ཡོད་པ་བདག་གིས་ཤེས།
༡༠ དཀོན་མཆོག་དང་ནི་ཁོང་གི་བཀའ་ལ་བསྟོད། ཡ་ཧོ་ཝཱ་དང་ཁོང་གི་བཀའ་ལ་བསྟོད།
༡༡ དཀོན་མཆོག་ལ་བློ་གཏད་ཅིང་ང་མི་འཇིགས། མི་ཡིས་བདག་ལ་ཅི་ཞིག་བྱེད་པར་ནུས།
༡༢ དཀོན་མཆོག་ཁྱེད་ཀྱི་དམ་བཅའ་ངའི་ཁར་ཡོད། གཏང་རག་མཆོད་པ་ཁྱེད་ལ་ངས་འབུལ་འོང་།
༡༣ དཀོན་མཆོག་དྲུང་དུ་གསོན་པོའི་འོད་ཀྱི་ནང་། འགྲུལ་ཕྱིར་ཁྱེད་ཀྱིས་ངའི་སྲོག་འཆི་ལས་བསྒྲལ། ལྟུང་བ་ལས་ངའི་རྐང་པ་མ་བསྲུངས་སམ༎