༢ མཛེས་མཆོག་ཙི་ཨོན་ལས་ནི་དཀོན་མཆོག་སྣང་།

༣ ངེད་ཀྱི་དཀོན་མཆོག་འབྱོན་ཞིང་ཞལ་མི་རོག ཁོང་གི་སྔོན་སྔོན་མེ་ཡིས་སྲེག་བྱེད་ཅིང་། ཁོང་གི་ཕྱོགས་བཞིར་རླུང་དྲག་རྒྱུག་པར་འགྱུར།

༤ ཁོང་ཉིད་མི་སྡེར་ཞལ་ཆེ་གཅད་པའི་ཕྱིར། སྟེང་གི་གནམ་དང་ས་གཞིར་འབོད་མཛད་ཅིང་།

༥ ང་དང་མཆོད་པ་བཅས་ཆད་བྱས་པའི་ངའི། དམ་པ་རྣམས་ནི་ངའི་དྲུང་སྡུས་ཤིག་གསུང་།

༦ དེ་ནས་དཀོན་མཆོག་ཉིད་ཀྱིས་གཤགས་བྱ་བས། གནམ་རྣམས་ཁོང་གི་དྲང་བ་ཉིད་བསྒྲག་གོ། [སེ་ལཱ།]

༧ ཀྱེ་ངའི་མི་སྡེ་ཉོན་ངས་གསུང་བར་བྱ། ཀྱེ་ཨིས་ར་ཨེལ་ངས་ཁྱོད་ལ་དབང་བྱའོ། ཁྱོད་ཀྱི་དཀོན་མཆོག་ང་ནི་དཀོན་མཆོག་ཡིན།

༨ ཁྱོད་ཀྱི་མཆོད་པའི་ཕྱིར་ངས་བཀའ་མི་བཀྱོན། ངའི་མདུན་ཁྱོད་ཀྱི་སྦྱིན་སྲེག་དུས་རྒྱུན་འདུག

༩ ཁྱོད་ཀྱི་ཁྱིམ་ལས་ངས་གླང་ཡང་མི་བླང་། ཁྱོད་ཀྱི་ལྷས་ནས་ར་ཕོའང་ངས་མི་འཁྱེར།

༡༠ ནགས་ཀྱི་སེམས་ཅན་ཀུན་དང་རི་སྟོང་སྟོང་། རྣམས་ལ་ཡོད་པའི་སེམས་ཅན་ཁོ་བོའི་ཡིན།

༡༡ རི་ཡི་འདབ་ཆགས་ཐམས་ཅད་ངས་ངོ་ཤེས། ཐང་གའི་གཅན་གཟན་རྣམས་ནི་ང་ཡི་ཡིན།

༡༢ འཇིག་རྟེན་དང་ནི་དེར་གང་ངའི་ཡིན་པས། ང་ནི་བཀྲེས་ནའང་ཁྱོད་ལ་མི་སྨྲ་སྟེ།

༡༣ ང་ཡིས་གླང་གི་ཤ་དག་ཟ་འགྱུར་རམ། ཡང་ན་ར་ཕོའི་ཁྲག་ཀྱང་འཐུང་འགྱུར་རམ།

༡༤ དཀོན་མཆོག་ལ་ནི་གཏང་རག་མཆོད་པ་ཕུལ། བླ་ན་མེད་པར་དམ་བཅས་པ་རྣམས་ཕུལ།

༡༥ སྡུག་བསྔལ་འབྱུང་དུས་ང་ལ་འོ་དོད་ཐོང་། ངས་ཁྱོད་བསྒྲལ་ཞིང་ཁྱོད་ཀྱིས་ང་བསྟོད་འོན།

༡༦ སྡིག་སྤྱོད་ལ་ནི་དཀོན་མཆོག་འདི་སྐད་གསུང་། བསླབ་བྱར་སྡང་ཞིང་ངའི་བཀའ་རྒྱབ་སྐྱུར་ཞིང་།

༡༧ ང་ཡི་སྤྱད་མཚམས་ཁྱོད་ཀྱིས་ཅི་ལ་བཤད། ང་ཡི་ཞལ་ཆད་ཁྱོད་ཁར་ཅི་ལ་ལེན།

༡༨ རྐུན་མ་མཐོང་དུས་ཁྱོད་ཀྱང་ཁོ་དང་འཆམ། ལོག་གཡེམ་བྱེད་མཁན་མཉམ་ཁྱོད་འདྲེས་པ་ཡིན།

༡༩ ཁ་ནས་ངན་པ་འདོན་ལྕེས་གཡོ་སྒྱུ་རྩོམ།

༢༠ ས་ལ་སྡོད་དེ་རང་གི་སྤུན་ལ་སྨད། རང་གི་མ་ཡི་བུ་ལ་སྙད་འདོགས་བྱེད།

༢༡ ཁྱོད་ཀྱིས་དེ་ལྟར་བྱས་ཀྱང་ངས་ཞལ་རོག ཁྱོད་རང་འདྲ་བ་ངའང་ཡིན་ཁྱོད་ཀྱིས་བསམས། འོན་ཀྱང་ངས་ཁྱོད་སྨད་ཅིང་ཁྱོད་རང་གི། མིག་གི་མདུན་དུ་དེ་རྣམས་རིམ་བཞིན་བཞག

༢༢ སྐྱོབ་མཁན་མེད་པར་ངས་ཁྱོད་གསེད་ལས་ཆེ། ད་ཁྱོད་དཀོན་མཆོག་བརྗེད་མཁན་བསམ་པ་མཐོང་།

༢༣ གཏང་རག་མཆོད་པ་སུས་འབུལ་གྱིས་ང་བསྟོད། རང་གི་སྤྱོད་ལམ་ཁྲིག་ཁྲིག་བྱེད་མཁན་ལ། དཀོན་མཆོག་གི་ཐར་པ་ངས་སྟོན་པར་བྱའོ༎