༢ ས་གཞི་ལོག་རུང་རི་རྣམས་རྒྱ་མཚོའི་གཏིང་། ཁྱེར་རུང་འུར་སྒྲ་འདོན་ཞིང་ཆུ་འཁྲུག་སྟེ།

༣ འཕེལ་ཞིང་རི་རྣམས་འགུལ་རུང་ངེད་མི་འཇིགས། [སེ་ལཱ།]

༤ གཙང་པོའི་ཡུར་བས་དཀོན་མཆོག་གི་གྲོང་ཁྱེར། བླ་མེད་བཞུགས་གནས་དམ་པ་སྐྱིད་པར་བྱེད།

༥ དཀོན་མཆོག་དེའི་དཀྱིལ་བཞུགས་པས་གཡོ་མི་འགྱུར། སྔ་གསར་དཀོན་མཆོག་གིས་ནི་དེར་གྲོགས་མཛད།

༦ མི་བརྒྱུད་རྣམས་ཁྲོས་རྒྱལ་ཁམས་རྣམས་ནི་གཡོས། ཁོང་གིས་གསུང་སྐད་འདོན་པས་ས་ཆེན་བཞུས།

༧ དཔུང་ཆེན་རྣམས་ཀྱི་ཡཱ་ཝཱེ་ངེད་མཉམ་ཡོད། ཡ་ཀོབ་ཀྱི་ནི་དཀོན་མཆོག་ངའི་སྐྱབས་གནས། [སེ་ལཱ།]

༨ ཡཱ་ཝཱེས་ས་གཞི་ཇི་ལྟར་སྟོངས་བཅུག་པའི། མཛད་པ་རྣམས་ལ་བལྟ་རུ་ཚུར་ཤོག་ཅིག

༩ ཁོང་གིས་ས་མཐའི་བར་དམག་མེད་པར་མཛད། གཞུ་གཅོག་གདུང་གཏུབ་ཤིང་རྟ་མེ་ལ་སྲེག

༡༠ དཀོན་མཆོག་ང་ཡིན་རྟོགས་ལ་ཁ་རོག་ཅིག མི་བརྒྱུད་རྣམས་ནང་ཁོ་བོ་འཕགས་པར་འགྱུར། ས་ཆེན་ནང་དུ་ང་ནི་འཕགས་པར་འགྱུར།

༡༡ དཔུང་ཆེན་རྣམས་ཀྱི་ཡཱ་ཝཱེ་ངེད་མཉམ་ཡོད། ཡ་ཀོབ་ཀྱི་ནི་དཀོན་མཆོག་ངའི་སྐྱབས་གནས༎ [སེ་ལཱ།]