༢ ངན་སྤྱོད་ང་ལ་སྡང་བའི་དགྲ་རྣམས་ཀྱིས། ངའི་ཤ་ཟ་རུ་འོངས་དུས་བུབས་ནས་གྱེལ།

༣ དཔུང་གིས་ང་ལ་འཐབ་ཏུ་སྒར་འདེབས་རུང་། ངའི་སྙིང་མི་འཚབས་མ་ཟད་བདག་གི་ཐོག དམག་ཅིག་འདྲེན་རུང་ངའི་སེམས་འཁྱོར་མི་འགྱུར།

༤ ཡཱ་ཝཱེའི་ཟིལ་ལ་ལྟ་ཞིང་མཆོད་ཁང་ནང་། ཞིབ་དཔྱོད་བྱེད་ཕྱིར་ཡཱ་ཝཱེའི་མཆོད་ཁང་དུ། ཚེ་གང་སྡོད་པ་གཅིག་རང་ཕྱིར་ཡཱ་ཝཱེར། བདག་གིས་ཞུས་ཡོད་འདི་རང་ངས་འཚོལ་བས།

༥ དེ་ནས་སྡུག་བསྔལ་ཉིན་མོ་ང་ཁོང་གི། གུར་ཁང་ནང་དུ་སྦས་ནས་སྲུང་བར་འགྱུར། གུར་མཆོག་ཡོལ་བའི་ཕག་ཏུ་ང་སྦ་ཡོང་། བྲག་གི་སྟེང་དུ་བདག་ནི་འདེགས་མཛད་བྱ།

༦ ད་ང་བསྐོར་བའི་དགྲ་ལས་ངའི་མགོ་ནི། ཁོང་གིས་འདེགས་པར་མཛད་འགྱུར་ངས་དགའ་སྤྲོའི། མཆོད་པ་ཁོང་གི་གུར་མཆོག་ནང་འབུལ་ཞིང་། ཡཱ་ཝཱེར་བསྟོད་དབྱངས་ལེན་ཞིང་གླུ་བླང་འོང་།

༧ འབོད་དུས་ངའི་སྐད་གསན་འཚལ་ཀྱེ་ཡཱ་ཝཱེ། སྙིང་རྗེ་མཛད་ཅིང་ང་ལ་བཀའ་ལན་གནོང་།

༨ ངའི་ཞལ་ཚོལ་ཞིག་གསུངས་དུས་ངའི་སྙིང་གིས། ཡཱ་ཝཱེའི་ཞལ་ངོ་འཚོལ་འོང་ང་ལ་སྨྲས།

༩ ང་ལ་ཞལ་རས་མ་སྦ་ཐུགས་ཁྲོའི་ནང་། བྲན་པོ་མ་དོར་ཁྱེད་ངའི་ར་མདའ་ལགས། བདག་གི་སྲོག་སྐྱོབ་ལགས་པའི་ཀྱེ་དཀོན་མཆོག ང་ནི་མ་སྤོང་སྐྱུར་བར་ཡང་མ་མཛད།

༡༠ བདག་གི་ཕ་མ་གཉིས་པོས་ང་སྐྱུར་རུང་། ཡཱ་ཝཱེས་ང་ལ་ཉ་ར་མཛད་པར་འགྱུར།

༡༡ ཁྱེད་ཀྱི་ལམ་ནི་ངར་སྟོན་ཀྱེ་ཡཱ་ཝཱེ། དགྲ་ཡི་རྐྱེན་གྱིས་ང་ལམ་འཇམ་པོར་འཁྲིད།

༡༢ རྫུན་གྱི་དཔང་པོ་དང་ནི་བརྩེ་མེད་པའི། དབུགས་འདོན་མཁན་རྣམས་ང་ཡི་དགྲ་རུ་ལངས། ངའི་དགྲས་ཅི་འཐད་ང་ལ་བྱེད་མ་ཆུག

༡༣ ཡཱ་ཝཱེའི་བཀའ་དྲིན་གསོན་ཡུལ་ནང་མཐོང་བའི། དད་པ་མེད་ཚེ་ང་ནི་བརྒྱལ་བ་ཡིན།

༡༤ ཡཱ་ཝཱེར་སྒུགས་ཤིག་རེམ་ཞིག་ཁྱོད་རང་གིས། སྙིང་རུས་སྐྱེད་ཅིང་ད་རུང་ཡཱ་ཝཱེར་སྒུག།