༢ ཡ་ཧོ་ཝཱ་དང་ཁོང་གི་བྱུགས་པ་ལ། ས་གཞིའི་རྒྱལ་པོ་རྣམས་ནི་རྒོལ་དུ་ལང་། མངའ་བདག་རྣམས་ནི་འདུས་ནས་གྲོས་བྱེད་ཅིང་།

༣ ཤོག་ཅིག་ངེད་ལས་ཁོང་གི་བཀྱིག་ཐག་གཅད། ཁོང་གི་ཐག་པ་རྣམས་ནི་དབྱུག་གོ་ཟེར།

༤ ནམ་མཁའ་རྣམས་ནང་བཞུགས་མཁན་བཞད་པར་འགྱུར། གཙོ་བོས་མི་དེ་རྣམས་ལ་སྨད་པར་འགྱུར།

༥ དེ་ནས་ཁྲོས་ཤིང་དེ་ཚོར་གསུང་གླེང་ཞིང་། ཁྲོ་གཏུམ་ནང་དུ་དེ་རྣམས་སེམས་བརྡུགས་འགྱུར།

༦ བདག་གི་དམ་པའི་རི་བོ་ཙི་ཨོན་ཁར། ང་ཡིས་རང་གི་རྒྱལ་པོ་བཞག་པ་ཡིན།

༧ བཀའ་སྩལ་པ་དེ་ང་ཡིས་སྒྲོག་པར་བྱེད། ཡ་ཧོ་ཝཱ་ཡིས་ང་ལ་འདི་སྐད་གསུང་། ཁྱོད་ངའི་བུ་ཡིན་དེ་རིང་ང་ལ་སྐྱེས།

༨ ང་ལ་སྩོལ་ཞིག་ཞུས་དང་མི་བརྒྱུད་རྣམས། ཁྱོད་ཀྱི་ནོར་སྐལ་ཕྱིར་དུ་ངས་གནང་ཞིང་། ཁྱོད་ཀྱིས་བདག་ཕྱིར་ས་མཐའི་བར་དུ་སྟེར།

༩ ལྕགས་ཀྱི་དབྱུག་པས་ཁྱོད་ཀྱིས་དེ་རྣམས་གཅག རྫ་མཁན་སྣོད་ལྟར་དེ་དག་དུམ་བུར་གཅག

༡༠ དེས་ན་རྒྱལ་པོ་ཁྱེད་རྣམས་མཁས་པར་མཛོད། ས་གཞིའི་ཁྲིམས་དཔོན་ཁྱེད་རྣམས་གདམས་ངག་བློང་།

༡༡ ཡཱ་ཝཱེར་བག་དང་བཅས་སུ་བསྙེན་བཀུར་བྱོས། འདར་ཡམ་བཅས་སུ་དགའ་མགུ་རངས་པར་བྱོས།

༡༢ སྲས་ཀྱི་ཐུགས་ཁྲོ་མྱུར་དུ་འབར་འོང་བས། ཁྱོད་རྣམས་ལམ་བར་མེད་པར་མི་འགྱུར་ཕྱིར། ཁྱོད་ཚོས་ཁོང་ལ་ཁ་ནི་ལྷན་པར་བྱོས། ཁོང་ལ་བློ་གཏད་བྱེད་མཁན་ཀུན་བདེའོ༎