༡༡ ཁྱོད་ཚོར་དཀོན་མཆོག་ཕྱག་དོན་ངས་བསྟན་ཡོང་། ཀུན་དབང་ལ་རག་ལས་པ་སྦ་མི་བྱ། ༡༢ ཀྱེ་ཧོ་ཁྱོད་ཚོས་འདི་ཀུན་མཐོང་མོད་ཀྱིས། ཅིའི་ཕྱིར་ཁྱོད་ཅག་ཐམས་ཅད་དོན་དང་བྲལ། ༡༣ མི་ངན་སྐལ་བ་དཀོན་མཆོག་དྲུང་འདི་སྟེ། དབང་ཡོད་བྱེད་མཁན་རྣམས་ལ་ཀུན་དབང་ནས། ཐོབ་རྒྱུ་ཡོད་པའི་ནོར་སྐལ་འདི་ཀ་ལགས། ༡༤ བུ་ཕྲུག་འཕེལ་ཡང་རལ་གྲིའི་དོན་དུ་ཡིན། དེའི་བརྒྱུད་ཁ་ཟས་ཀྱིས་འགྲང་བར་མི་འགྱུར། ༡༥ དེ་ལས་ལུས་པ་འཆི་བས་བསྐུང་འགྱུར་ཀྱང་། ཁོའི་ཡུག་ས་མོ་རྣམས་ངུ་མི་ཡོང་། ༡༦ དེ་ཡིས་ས་བཞིན་དངུལ་སྤུང་བར་བྱེད་ཅིང་། རྫ་ས་ལྟར་དུ་གོས་རྣམས་སྤུང་བར་བྱེད། ༡༧ དེས་བཟོ་ཡང་མི་དྲང་པོས་གཡོག་པར་འགྱུར། ནོངས་མེད་རྣམས་ཀྱིས་དངུལ་དེ་བགོ་བཤའ་བྱ། ༡༨ ཐགས་སྦྲ་འབུ་བཞིན་རང་གི་ཁང་པ་རྩིག སོ་པས་བཟོས་པའི་སྤྱིལ་བུ་ལྟ་བུ་བཟོ། ༡༩ ཕྱུག་པོ་ཉལ་ཏེ་བདག་པོ་བྱེད་མཁན་མེད། ཁོས་མིག་ཧར་གདང་བ་དང་ཁོ་ནི་མེད། ༢༠ ཆུ་རྣམས་ཀྱི་ཚུལ་དུ་འཇིགས་པས་ཁོ་འཛིན། མཚན་མོར་རླུང་དམར་གྱིས་ཁོ་བརྐུས་ནས་འཁྱེར། ༢༡ ཤར་རླུང་གིས་ཁོ་འཁྱེར་བས་ཁོ་འབྲལ་འགྲོ། དེས་ཁོ་རང་གི་ས་ནས་འཕྱག་ཅིང་འཁྱེར། ༢༢ དཀོན་མཆོག་གིས་འཕངས་མེད་དུ་ཁོ་ལ་བརྒྱབ། ཁོང་གི་ཕྱག་ལས་འབྲོས་པར་རབ་ཏུ་དགའ། ༢༣ མི་རྣམས་ཀྱིས་དེ་ལ་ལག་བརྡབ་བྱེད་ཅིང་། དེའི་གནས་ས་ལས་ཤུགས་སྒྲས་བསྐྲད་པར་འགྱུར༎